ජාතික මැතිවරණ කොමිෂන් සභාවේ නිල කාලය අදින් අවසන් වේ.
එම කොමිෂන් සභාව ස්ථාපිත කෙරුණේ, 2015 වසරේ නොවැම්බර් මස 13 වනදායි.
ජාතික මැතිවරණ කොමිෂන් සභාව සාමාජිකයින් තිදෙනෙකුගෙන් සමන්විත වු අතර , මහින්ද දේශප්‍රිය මහතා එහි සභාපති ලෙස කටයුතු කළේ ය.
මහාචාර්ය රත්නජීවන් හූල් සහ ජනාධිපති නිතිඥ නලීන් අබේසේකර එහි සෙසු සාමාජිකයින් ය.
20 වැනි ව්‍යවස්ථා සංශෝධනය අනුව , නව කොමිෂන් සභාව සාමාජිකයින් 05 දෙනෙකුගෙන් සමන්විත විය යුතුයි.
එහෙත් මේ දක්වා එම සාමාජිකයින් පත්කර නොමැත.
ජනාධිපති ගෝඨාභාය රාජපක්ෂ මහතා විසින් නම් කරනු ලබන සාමාජිකයින් සම්බන්ධයෙන් පාර්ලිමේන්තු සභාවේ නිරික්ෂණ ලැබීමෙන් පසු , කොමිෂන් සභාව සඳහා නව සාමාජිකයින් පත්වනු ඇති.