Colombo Today Local News

පාස්කු ප්‍රහාරය පිළිබඳ විශේෂ කාරක සභාව අඛණ්ඩව

පාස්කු ඉරිදා ත්‍රස්ත ප්‍රහාරය පිළිබඳ සොයාබලන පාර්ලිමේන්තු විශේෂ කාරක සභාව අඛණ්ඩව ඉදිරියට පවත්වාගෙන යෑමට එම කාරක සභාව තීරණය කර තිබේ.

තේරීම් කාරක සභාව පැවැත්වූ දින කිහිපය තුළ ත්‍රස්ත ප්‍රහාරය සම්බන්ධයෙන් මෙන්ම ඒ සම්බන්ධයෙන් වගකීම් පැහැරහැර ඇති පුද්ගලයන් පිළිබඳ වැදගත් කරුණු රැසක් අනාවරණය වීමත් සමග එය දිගටම පවත්වාගෙන යෑමේ තීරණය තේරීම් කාරක සභාව ගෙන ඇත.

මෙම තේරීම් කාරක සභාව හමුවේ සාක්ෂි දීමට පැමිණෙන ඕනෑම සාක්ෂිකරුවෙකු %සිය සාක්ෂිය හරහා ජාතික ආරක්ෂාවට අගතියක් වෙනවා^ යැයි පැවසුවහොත්, එම ස්ථානයෙන් මාධ්‍ය ඉවත් කර සාක්ෂිය ලබාගැනීමට තේරීම් කාරක සභාව ආරම්භයේදීම තීරණය කර තිබූ අතර එය නැවතත් තහවුරු කර තිබේ.

සිය සාක්ෂිය මගින් කිසියම් පුද්ගලයෙකුගේ වැරදි ආරක්ෂා කිරීමට නොව සැබැවින්ම ජාතික ආරක්ෂාවට අගතියක් වන්නේදැයි  යන කාරණය සලකා බලා තේරීම් කාරක සභාවට ඒ ගැන සෑහීමකට පත්වේ නම්, එලෙස මාධ්‍ය එම ස්ථානයේ ඉවත් කිරීමට හැකියාව ලැබේ.

පාස්කු ඉරිදා ත්‍රස්ත ප්‍රහාරය පිළිබඳ සොයාබලන පාර්ලිමේන්තු විශේෂ කාරක සභාව හෙට (11දා) දින යළි රැස්වීමට නියමිත අතර, එදින සාක්ෂි විමසීම සඳහා කාත්තන්තුඩි මුස්ලිම් දේවස්ථානවල සභාපතිවරයා, බස්නාහිර හිටපු ආණ්ඩුකාර අසාත් සාලි, සමස්ත ලංකා ජමියතුල් උලමා සංවිධානයේ සභාපතිවරයා කැඳවා තිබේ.

මෙම පාර්ලිමේන්තු විශේෂ තේරීම් කාරක සභාවට ඕනෑම පුද්ගලයෙකු කැඳවීමට සහ ඕනෑම ලේඛන වාර්තා ඉදිරිපත් කරන ලෙස නියෝග කිරීමට බලය ලැබී ඇත.

එමෙන්ම යම් හෙයකින් පාර්ලිමේන්තුව වාර අවසාන කිරීමක් හෝ කල්තබන ලද අවස්ථාවක වුවත් තේරීම් කාරක සභාව පවත්වාගෙන යෑමට බලය තිබේ.

පාර්ලිමේන්තුවේ පක්ෂ විපක්ෂ සියලු පක්ෂවල ඉල්ලීමකට අනුව, පක්ෂ නායකයන්ගේ එකඟතාව මත පර්ලිමේන්තු යෝජනා සම්මතයකින් අදාළ කාරක සභාව පත් කෙරිණි.

එහෙයින් මෙම විශේෂ තේරීම් කාරක සභාවේ කටයුතු සම්බන්ධයෙන් තීරණ ගැනීමේ හැකියාවක් ජනාධිපතිවරයා, අගමැතිවරයාට හෝ කැබිනට් මණ්ඩලයට නොමැත.

මෙම තේරීම් කාරක සභාව දිගටම පවත්වාගෙන යන්නේ නම්, තමා කැබිනට් රැස්වීමට සහභාගි නොවන බව පසුගිය 07 වැනිදා පැවැති හදිසි කැබිනට් හමුවේදී ජනාධිපතිවරයා පවසා තිබිණි. එමෙන්ම පාර්ලිමේන්තුවේ වාර අවසන් කිරීම සම්බන්ධයෙන් ජනාධිපතිවරයාගේ අවධානය යොමුව ඇති බවද ‘අද’ පුවත්පතට වැඩිදුරටත් වාර්තා වේ.

Related posts

රාජ්‍ය සේවකයින්ගේ වසර පහක නිවාඩු කපා හැරීමට සැලසුම්

colombotoday

කොළඹ වරාය නගර ව්‍යාපෘතියට එරෙහිව ගොනුකර තිබූ රිට් පෙත්සම නිෂ්ප්‍රභ කෙරේ

colombotoday

අම්පාර, සියඹලාඅණ්ඩුව ප්‍රධාන මාර්ගයේ ගමනාගමනය සීමා වෙයි

Admin

මැති ඇමති සගයෝ මගහරිති… සුවදුක් බලන්න කවුරුත් නොඑයි… රන්ජන් වැලිකඩ තනිවෙයි !

colombotoday

තමිල්නාඩුවෙන් සහනාධාර රැගත් නැවක් අද හවසට ලංකාවට

colombotoday

මට තමුසෙව වෙන ලෝකෙකට අරින්නත් පුළුවන්. දොස්තර උඹ පරිස්සම් වෙලා හිටපන්. – රිෂාඩ්ගෙන් බන්ධනාගාර වෛද්‍යවරයෙකුට මරණ තර්ජන

colombotoday