පාකිස්තානයේ තරග සංචාරයකට එක්වීමට නියමිත ශ්‍රි ලංකා ක්‍රිකට් කණ්ඩායමට ත්‍රස්තවාදී ප්‍රහාරයක් එල්ලවීමට අවස්ථාවක පවතින බව අග්‍රාමාත්‍ය කාර්යාලය විසින් ශ්‍රි ලංකා ක්‍රිකට් ආයතනයට දැනුම් දී තිබේ.
අග්‍රමාත්‍ය කාර්යාලයට ලැබී ඇති තොරතුරක් අග්‍රාමාත්‍ය කාර්යාලය විසින් ක්‍රිඩා අමාත්‍යාංශය හරහා ශ්‍රි ලංකා ක්‍රිකට් ආයතනයට දැනුම් දී තිබේ.
ඒ අනුව පාකිස්තාන තරගාවලියේදි ශ්‍රී ලංකා කණ්ඩායමේ ආරක්ෂාව පිළිබඳව ශ්‍රී ලංකා රජයෙන් ආරක්ෂක වාර්තාවක් ලබාගැනීමට ශ්‍රී ලංකා ක්‍රිකට් ආයතනය සූදානම් වෙයි.
එක්දින තරග තුනකට හා විස්සයි20 තරග තුනකට ශ්‍රී ලංකා කණ්ඩායම පාකිස්තානයෙ තරග සංචාරයකට එක්වීමට නියමිතව තිබේ.
ශ්‍රී ලංකාවේ ප්‍රධාන පෙළේ ක්‍රීඩකයන් 10ක් තරගාවලියෙන් ඉවත්වීම හේතුවෙන් ළහිරු තිරිමාන්න එක්දින නායකයා ලෙසත්, දසුන් ශානක විස්සයි20 නායකයා ලෙසත් මෙම තරගාවලිය වෙනුවෙන් නම් කර තිබේ.