පස්සර පොලීසියේ නිළධාරීන් කිහිපදෙනෙකු ස්වයං නිරෝධායනයට යොමුකර ඇති බව වාර්තා වේ.
එම තීරණය ගෙන ඇත්තේ කොවිඩ් ආසාදිතයෙක් මීට දින කිහිපයකට පෙර පස්සර පොලිස් ස්ථානයට පැමිණ ඇති බව අනාවරණය වීමෙන් අනතුරුවය.
පස්සර කණවරැල්ල ප්‍රදේශයේ පදිංචිකරුවෙකු කොවිඩ් නයින්ටීන් ආසාදිතයෙක් ලෙස ඊයේ(23) දිනයේ හඳුනාගැනුණි.
ඔහු ඊට දින කිහිපයකට ප්‍රථම පස්සර පොලීසියට පැමිණීම හේතුවෙන් පොලිස් නිළධාරීන් 5 දෙනෙකු නිරෝධායනයට යොමුකර ඇති බව ප්‍රදේශය භාර උසස් පොලිස් නිළධාරියෙකු සදහන් කළේය.