නීතිඥවරියකගේ නිවසට ගල් ගසා ඇයට නිරුවත පෙන්වූ බව කියන පුද්ගලයෙකු මීගොඩ ප්‍රදේශයේ දී අත්අඩංගුවට ගෙන තිබේ.
එම සැකකරු මීගොඩ පොලීසිය විසින් පසුගියදා අත්අඩංගුවට ගෙන ඇති බව වාර්තා වේ.
දෙපාර්ශවය අතර බදාදා (29)දින ඇතිවූ ආරවුලකින් අනතුරුව සැකකාර පුද්ගලයා නීතිඥවරියගේ නිවසට ගල් ගසා ඇය නිවසින් පිටතට පැමිණීමෙන් අනතුරුව කලිසම ගලවා සැකකරු තමාට නිරුවත පෙන්වූ බවට නිතීඥවරිය කරන ලද පැමිණිල්ලක් අනුව එම පුද්ගලයාව මීගොඩ පුවක්වත්ත ප්‍රදේශයේ දී අත්අඩංගුවට ගෙන තිබුණි.
අත්අඩංගුවට ගත් සැකකරු හෝමාගම මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
සිද්ධිය සම්බන්ධයෙන් මීගොඩ පොලීසිය වැඩිදුර විමර්ශන සිදුකරයි.