කොටි සංවිධානයට උදව් කළායැයි සැලකෙන ප්‍රගීත් එක්නැලිගොඩ අතුරුදන්වීම සම්බන්ධ නඩුවේ පළමු හා තෙවැනි විත්තිකරුවන් ඇපමත මුදා හැරීමට අවිස්සාවේල්ල මහාධිකරණය අද (24) නියම කළේය.
මෙසේ මුදා හැරුනේ බුද්ධි අංශ සාමාජිකයන් වන කර්නල් ශම්මි කුමාරරත්න හා මාණ්ඩලික සැරයන් ප්‍රියන්ත යන දෙදනාය.
ඔවුන් රැපියල් මිලියන 1.5ක මුදල් ඇප මත මුදා හැරීමට මහාධිකරණය නියෝග කළද ඔවුන්ට අදාළ මුදල සොයා ගැනීමට නොහැකිවීම නිසා ඔවුන් යළි රිමාන්ඩ් බන්ධනාගාරගතකර ඇති බවද මේ අතර වාර්තා වේ.
මේ සිද්ධිය සම්බන්ධයෙන් මේවන විට විශ්‍රාමික සාජන් මේජර් උපසේන හා විශ්‍රාමික කෝප්‍රල් රංජිත් යන දෙදෙනා තවදුරටත් රිමාන්ඩ් බන්ධනාගාරයේ පසුවේ.
අදාළ නඩුව ලබන නොවැම්බර් 05 වැනිදා යළි කැඳවීමට නියමිතය.