Colombo Today Local News

ජාතික ප‍්‍රජාතන්ත‍්‍රවාදී පෙරමුණ අගෝස්තු 5 වැනිදා පිහිටුවනවා

ඉදිරි ජනාධිපතිවරණය සහ මහ මැතිවරණය සඳහා ශක්තිමත්ව මුහුණ දීම සඳහා වන ජාතික ප‍්‍රජාතන්ත‍්‍රවාදී පෙරමුණ අගෝස්තු පස් වැනිදා පිහිටුවන බව අග‍්‍රාමාත්‍ය රනිල් වික‍්‍රමසිංහ මහතා අවිස්සාවේල්ලේදී අද (23) පැවැසීය.

රටේ අනාගතය ගොඩනැගීම සඳහා නව ප‍්‍රතිපත්තියක් සහිතව දේශපාලන පක්ෂ, සිවිල් සංවිධාන ඇතුලු බහුවිධ පාර්ශ්ව වල සහභාගීත්වයෙන් පිහිටුවන මෙම පුළුල් පෙරමුණට ප‍්‍රජාතන්ත‍්‍රවාදය අගයන  ඕනෑම පක්ෂයකට එකතුවීමට හැකියාව තිබෙන බවද අග‍්‍රාමාත්‍යවරයා ප‍්‍රකාශ කළේය.

නව පෙරමුණට එකතුවන සියලු පක්ෂවල අනන්‍යතාවය රැකගනිමින් පොදු ප‍්‍රතිපත්ති රාමුවක් යටතේ නව පක්ෂය ක‍්‍රියාත්මක වන බවද අග‍්‍රාමාත්‍යවරයා සඳහන් කළේය.

නව පෙරමුණ අලුත් පරපුරට ගොවි කම්කරු විද්වත් සැමට සුදුසු අයුරින්  නව ප‍්‍රතිපත්ති මාලාවක් සහිතව ඉදිරියට ගෙන එන බවද අග‍්‍රාමාත්‍යවරයා පැවැසීය.

තවත් වසර පහක් සඳහා බලය ලබා ගෙන රට ගොඩ නැගීම මෙන්ම අභියෝග වලට ශක්තිමත් ලෙස මුහුණ දීම ජාතික ප‍්‍රජාතන්ත‍්‍රවාදී පෙරමුණේ මූලික අරමුණ බවද අග‍්‍රාමාත්‍යවරයා සඳහන් කළේය.

සාම්ප‍්‍රදායික රාමුවෙන් පිටතට ගොස් අලුතින් හිතන්නට හුරු විය යුතු බව කී අග‍්‍රාමාත්‍යවරයා එසේ නොවුනහොත් ජනතාව විසින් දේශපාලඥයින් කුණු බක්කියට දමනු ඇති බවද පැවැසීය.

අවිස්සාවේල්ලේ සංවර්ධන ව්‍යාපෘති රැසක් ජනතා අයිතියට පත්කිරීමෙන් පසු අවිස්සාවේල්ල නගරයේ පැවති ජනහමුව අමතමින් අග‍්‍රාමාත්‍යවරයා මේ බව කීය.

Related posts

ගණේමුල්ලේ වෙඩි තැබීමක්

Admin

20 සංශෝධනය ගවුම් ඇඳන් විපක්ෂයට මඩ ගහන ඉරාජ් වීරරත්න ලියපු එකක් වගේ

colombotoday

18 හැවිරිදි තරුණයෙක් දියේ ගිලී අතුරුදන්

colombotoday

තුන්වන චාල්ස් රජුගේ රාජාභිෂේකයට ජනපති බ්‍රිතාන්‍යයට යයි

Admin

පාතාලයා අල්ලපු උප්පැන්නය ලියාගන්න කට්‌ටිය පොරකනවා. – ජනපති කියයි

colombotoday

කුමාර් අල්ලන්න ඔත්තුව කුමාරගෙන්?

colombotoday