Colombo Today Local News

කෝටි දෙකක් අල්ලස්ගත් ජනපති කාර්යමණ්ඩල ප්‍රධානියාට, දැව සංස්ථා සභාපතිට ඇප ඉල්ලීම කල්යයි

කන්තලේ සීනි සමාගමට අයත් යන්ත්‍ර සූත්‍ර ඉන්දියානු සමාගමකට පවරාදීමට අනුමැතිය හිමිකර දීම සඳහා රුපියල් මිලියන 540ක අල්ලසක් ඉල්ලා ඉන් රුපියල් මිලියන 20ක් ලබාගත් බවට සැකපිට රක්ෂිත බන්ධනාගර ගතව සිටින හිටපු ජනාධිපති කාර්යමණ්ඩල ප්‍රධානී ආචාර්ය කුසුම්දාස මහානාම සහ හිටපු රාජ්‍ය දැව සංස්ථාවේ සභාපති පියදාස දිසානායක යන දෙදෙනා විසින් සිදුකර තිබූ ඇප ඉල්ලීම පිළිබඳ නියෝගය ප්‍රකාශ කිරීම ලබන 26 දක්වා කල් තැබීමට අද(19) කොළඹ ප්‍රධාන මහේස්ත්‍රාත් රංග දිසානායක මහතා නියෝග කර තිබේ.

එම නියෝගය ප්‍රකාශයට පත් කිරීම අදට නියමිතව තිබුණ ද එම නියෝගය තවමත් සූදානම්කර නොමැති බැවින් 26 දක්වා කල් තැබීමට නියම කෙරුණි.

එබැවින් ලබන 26 දක්වා සැකකරුවෝ යලි රක්ෂිත බන්ධනාගාර ගත කෙරුණි.

මෙහිදී අල්ලස් කොමිසමේ නිලධාරීන් විසින් අධිකරණය හමුවේ වාර්තාවක් ඉදිරිපත් කරමින් කියා සිටියේ සැකකරුවන්ගේ කටහඬ පරීක්ෂා කිරීමට ලබන 29 වැනිදා ඔවුන් රජයේ රස පරීක්ෂකවරයා වෙත ඉදිරිපත් කිරීමට අදාල නියෝගය ලබාදෙන ලෙසයි.

ලබන 26 වැනිදා ඇප නියෝගය ප්‍රකාශයට පත් කිරීමට නියමිත බැවින් එදිනට පසු මෙම නියෝගය ලබාදීම සම්බන්ධව කටයුතු කරන බව මහේස්ත්‍රාත්වරයා ප්‍රකාශකර සිටියේය.

Related posts

විදුලිබල, බලශක්ති ටෙන්ඩර් විනිවිදභාවයෙන් යුතුව කිරීමට ඇමති රවීගෙන් උපදෙස්…

colombotoday

තවත් ගල්අඟුරු නැවක් මැයි එක දිවයිනට

Admin

පොහොට්ටුවේ 2020 ජනපති අපේක්ෂකයා ගෝඨාභයයි.. ග්‍රීන්කාඩ් පුරවැසිභාවයට ආයුබෝවන් කියා මව් බිමට පාතබයි

colombotoday

මන්නාරමේදී නාවික හමුදාවට ප්‍රහාරයක්.. සෙබළුන් 3ක් රෝහලේ.. කදවුරෙන් අහසට වෙඩි !

colombotoday

ශ්‍රී ලංකාව සම්බන්ධයෙන් ජිනීවා යෝජනාව අද

colombotoday

අපි හයේ ඒවා හතරේ ඒවා ගහන්නේ ලබන මාසේ

Admin