නොරොච්චෝලේ ‘ලක්විජය’ විදුලි බලාගාරයට මෙම වාරය සඳහා අවශ්‍ය ගල්අඟුරු නෞකා 23ක් ආනයනය කර අවසන් බවත් මෙම වාරයේ අවශ්‍යතාව වන 30 වැනි ගල්අඟුරු නෞකාව මැයි මස 1 වැනිදා පුත්තලමට ළඟාවීමට නියමිත බවත් ලංකා ගල් අඟුරු සමාගමේ උසස් නිලධාරියෙක් පවසයි.
විදුලිබල මණ්ඩලයේ ජනන පුරෝකථනය අනුව මෙම වාරයේ ගල්අඟුරු අවශ්‍යතාව නෞකා 30ක් බවත් එහි 24 සිට 26 නෞකාව දක්වා පුත්තලමට සේන්දු වී ඇති අතර 27 සිට 29 නෞකා මැයි මස 1 වැනි දිනට ප්‍රථම පුත්තගමට ළඟා වීමට නියිමත බවත් එම නිලධාරියා කියයි.
ඒ අනුව ලක්විජය බලාගාරය මෙම වාරය වෙනුවෙන් උපරිම ධාරිතාවෙන් ක්‍රියාත්මක කිරීමට අවශ්‍ය ගල්අඟුරු ප්‍රමාණය ලබාගැනීමට හැකිව ඇති බව ද එම නිලධාරියා වැඩි දුරටත් සඳහන් කරයි.