Colombo Today Local News

“ඇමතිවරුන්ට අවශ්‍ය පරිදි අධිකරණ පිහිටුවන්න බෑ” – අධිකරණ සංවිධාන සංශෝධන පනතට හිටපු ජනපතිගේ විරෝධය

විශේෂ අධිකරණ පිහිටුවීම ව්‍යවස්ථාවට පටහැනි බවත්, එක් එක් ඇමතිවරුන්ට අවශ්‍ය පරිදි අධිකරණ පිහිටුවීමට ඉඩ ලබාදිය නොහැකි බවත් හිටපු ජනාධිපති මහින්ද රාජපක්ෂ මහතා පවසයි.

ඊයේ (17) කොළඹ බණ්ඩානායක සම්මන්ත්‍රණ ශාලාවේ පැවති උත්සවයකින් අනතුරුව මාධ්‍යවේදීන් නැගූ ප්‍රශ්නවලට පිළිතුරු දෙමින් ඔහු මේ බව ප්‍රකාශ කළේය.

ගොඩගැසී ඇති අපරාධ නඩු කඩිනමින් අවසන් කිරීම සඳහා විශේෂ ස්ථිර ත්‍රිපුද්ගල මහාධිකරණ පිහිටුවීමට අදාල අධිකරණ සංවිධාන සංශෝධන පනත් කෙටුම්පත මේ වනවිට රජය විසින් පාර්ලිමේන්තුවට ඉදිරිපත් කර තිබේ.

කෙසේ වෙතත් ඒකාබද්ධ විපක්ෂය ඇතුළු පාර්ශ්ව කිහිපයක් මේ සඳහා දැඩි විරෝධය පළකර ඇති අතර විශේෂ අධිකරණ පිහිටුවීමට එරෙහිව ශ්‍රේෂ්ඨාධිකරණය වෙත පෙත්සම් කිහිපයක් ද ඉදිරිපත්ව තිබේ. මීට අමතරව අදාල පෙත්සම්වලට අතරමැදි ලෙස මැදිහත්වීම සඳහා පාර්ශ්ව 14 ක් පමණ පෙත්සම් ගොනුකර ඇත.

පෙත්සම්කරුවන් බහුතරයක් පෙන්වා දෙන්නේ විශේෂ මහාධිකරණ පිහිටුවීම ආණ්ඩු ක්‍රම ව්‍යවස්ථාව උල්ලංඝනය කිරීමක් බවයි. විශේෂ මහාධිකරණ යනුවෙන් අධිකරණ වර්ගයක් නොමැති බවත පෙත්සම්කාර පාර්ශ්වය වෙනුවෙන් පෙනී සිටින නීතිඥ රොමේෂ් ද සිල්වා මහතා පවසයි.

Related posts

කල්පිටිය කලපුවේ වසර පහකට පසුව ‘මුහුදු ඌරන් රංචුවක්’

colombotoday

විදුලි බිල ගැන පාඨලීගෙන් ආණ්ඩුවට චෝදනාවක්

Admin

ශ්‍රී ලංකාවේ කොවිඩි අරමුදලට මුදල් සොයා ඔස්ට්‍රේලියාවේදී ආහාර ප්‍රදර්ශනයක්

colombotoday

ජාතික තව්හිද් ජමාත් ඉස්ලාම් ත්‍රස්ත සංවිධානයට මුදල් දුන් මැණික් ව්‍යාපාරිකයා කොටු

colombotoday

“රට ඇතුලේ කවුරු කෑ ගැහුවත් වැඩක් නෑ.. මුළු ලෝකයම අපේ රජයට ආශිර්වාද කරනවා” – ජනපති

colombotoday

රාජ්‍ය සේවකයන් ලෙඩ වෙයි

Admin