Colombo Today Local News

අගාධයට වැටුණු රට විශ්වාසභංගයෙන් පසු ගොඩ ගන්න පුලුවන් කාටද? – හිටපු ඇමති විජේදාස කියයි

විශ්වාසභංගය පරාජය කිරීමෙන් පසු හෝ ජයග්‍රහණය කිරීමෙන් පසු සිදු කරන ස්‌ථිර වැඩපිළිවෙළ දෙපාර්ශ්වයම මේ වන තෙක්‌ හෙළි කර නොමැති බව පාර්ලිමේන්තු මන්ත්‍රී විජේදාස රාජපක්‌ෂ මහතා පවසයි.

විශ්වාසභංගයට පාර්ලිමේන්තු මන්ත්‍රීවරුන් ලෙස තීරණයක්‌ දෙන විට ජනතා මතය සැලකිල්ලට ගත යුතුයි. ඒ වගේම රටේ සුරක්‌ෂිතතාවය පිළිබඳ සැලකිල්ලට ගත යුතුයි.

විශ්වාසභංග යෝජනාව ගෙනෙන පාර්ශ්වයෙන් අපි ඇහුවා රනිල් වික්‍රමසිංහ මහතා ඉවත් කළොත් කවුද ගේන්නෙ කියලා. කොරෙක්‌ දීලා අන්ධයෙක්‌ ගත යුතු නෑනේ. ගේන කෙනා නිල්, කොළ, රතු කියලා වැඩක්‌ නෑ. රට පත්ව ඇති අගාධයෙන් ගොඩ ගන්න පුළුවන් අයෙක්‌ විය යුතුයි. අද රට අගාධයට වැටිලා. කෘෂි කර්මාන්තය ආර්ථිකය වැටිලා. ආයෝජන පිරිහිලා. නීතියේ ආධිපත්‍ය ගැන විශ්වාසය බිඳ වැටිලා. මෙයින් රට ගොඩ ගන්න පුළුවන් ප්‍රතිපත්තියක්‌ තියෙන, ප්‍රතිපත්ති ක්‍රියාත්මක කළ හැකි පෞරුෂයක්‌ තියෙන අයෙක්‌ විය යුතුයි පත් කරන පුද්ගලයා. ඒ වගේම ජාත්‍යන්තරයේ අපේ රටට ප්‍රශ්න වැඩියි. ඒවාටත් මුහුණ දිය හැකි අයෙක්‌ විය යුතුයි.

ඒ වගේම විශ්වාසභංග යෝජනාවට විරුද්ධව සිටින රට අගාධයට ගෙන යැමට වගකිවයුතු එක්‌ කණ්‌ඩායමක්‌ වන එජාපය ද විශ්වාසභංගයෙන් පසුව රට ගොඩනැඟීමට ඔවුන් සිදු කරන වෙනස, කැපවීම රටට තහවුරු කළ යුතුයි. පාර්ශ්ව දෙකම අද වනතෙක්‌ සැලසුම් කියලා නෑ. ඒ නිසා ඉදිරි දින කිහිපයේදීවත් කරයි කියලා බලාපොරොත්තු වෙනවා.

ජනතාවට අද පක්‌ෂ, පාට පුද්ගලයා වැදගත් නෑ. ප්‍රතිපත්තිය පමණයි වැදගත්. ඉදිරියේදී සිදු වන දේවල් ගැන අවධානයකින් පසුව තීරණයක්‌ ගන්නවා.” යෑයිද හෙතෙම කියා සිටී.

Related posts

දෙමළ ජන­තා­වට අයත් බෝග­ස්වැව විහාරස්ථානවලට ඉඩ නෑ. | දෙමල ජාතික සන්ධානය යලිත් බලහත්කාරය පායි

colombotoday

නව නියෝජ්‍ය කථානායකවරයෙකු පත්කර ගැනීම අද

colombotoday

ඩයනා ඇතුළු පිරිසගේ ගුටි කෙළිය ගැන සොයන්න පත්කල මැතිසබා කමිටුවට කැඳවයි

Admin

දුලිප් විජේසේකර නියෝජ්‍ය ඇමති ධුරයෙන් ඉවත් කරයි

colombotoday

රාජාංගනයේ ගම්මාන 24ක් ලොක්ඩවුන්

colombotoday

හලාවත නගර සීමාවට පොලිස් ඇඳිරිනීතිය පනවයි. නගරය නොසන්සුන්

colombotoday