Colombo Today Local Newsfeatured

කැබිනට් මණ්ඩල තීන්දුවට එරෙහි පෙත්සමට වාසුදේව, විමල්, ගම්මන්පිල යන ඇමතිවරුන් තිදෙනා වෙනම අධිකරණයට

කෙරවලපිටිය යුගදනවි බලාගාරයේ කොටස්වලින් සියයට හතළිහක් ඇමෙරිකානු සමාගමකට පැවරීමට ආණ්ඩුව ගෙන ඇති තීරණයට එරෙහිව ශ්‍රේෂ්ඨාධිකරණය හමුවේ ගොනු කර ඇති පෙත්සම් විභාගයට ගැනීමේදී වෙනම නීතිඥ මණ්ඩලයක් මාර්ගයෙන් අධිකරණයට කරුණු ඉදිරිපත් කිරීමට වාසුදේව නානයක්කාර,විමල් වීරවංශ, උදය ගම්මන්පිල යන ඇමතිවරුන් තිදෙනා තීරණය කර ඇත.

මෙම කොටස් පැවරීමේ ආණ්ඩුවේ තීරණයට එරෙහිව පෙත්සම් පහක් ගොනු කර ඇති අතර, එම පෙත්සම් ලබන 26 වැනිදාසලකා බැලීමට ශ්‍රේෂ්ඨාධිකරණය තීරණය කර තිබේ.

මෙම පෙත්සම් පහ පස් දෙනකු හෝ ඊට වැඩි පූර්ණ විනිසුරු මඩුල්ලක් හමුවේ සලකා බලන්නැයි නීතිපතිවරයා ශ්‍රේෂ්ඨාධිකරණයෙන් ඉල්ලීමක් කර ඇත.

මෙම පෙත්සම් සලකා බැලීමේදී වගඋත්තරකාර කැබිනට් මණ්ඩලය වෙනුවෙන් නීතිපතිවරයා පෙනී සිටින අතර, කැබිනට් මණ්ඩල සාමාජිකයන් වන මෙම ඇමතිවරුන් තිදෙනා වෙනම නීතිඥවරුන් පිරිසක් මාර්ගයෙන් අධිකරණයට කරුණු දැක්වීමට තීරණය කර ඇත.

ආණ්ඩුවේ හවුල්කාර පක්ෂ වල නායකයන්ගෙ විශේෂ සාකච්ඡාවක් බලශක්ති අමාත්‍ය උදය ගම්මන්පිල මහතාගේ නිල නිවසේදී පෙරේදා (17) රාත්‍රී පැවැති අතර, මෙම පෙත්සම් සලකා බැලීමේදී වෙනමම නීතිඥ මණ්ඩලයක් මාර්ගයෙන් අධිකරණයට කරුණු දැක්වීමට එහිදී තීරණය කර ඇත.

මෙම ගිවිසුමට අදාළ කැබිනට් සංදේශය කැබිනට් මණ්ඩලයට ඉදිරිපත් වූ ආකාරය ප්‍රශ්නකාරී බව අධිකරණය හමුවේ කියා සිටීමට ද එහිදී තීරණය කර ඇත.

මේ බලාගාරයේ කොටස් වලින් සියයට හතළිහක් ඇමරිකානු සමාගමකට පැවරීමට එරෙහිව වාසුදේව නානායක්කාර, විමල් වීරවංශ උදය ගම්මන්පිල යන අමාත්‍යවරුන් පසුගියදා ප්‍රසිද්ධ මහජන රැස්වීමක් දපැවැත්වූ අතර,ඊට අදාළ කැබිනට් සංදේශය කැබිනට් මණ්ඩලය තුළ ප්‍රමාණවත් ලෙස සාකච්ඡා නොවුණු බව ද ඔවුහු එහිදී සඳහන් කළහ.

ලංකාදීප

Related posts

ජාතික ආරක්ෂාව අංක 1, නවීන ලොවකට ලංකාව රැගෙන යන ගෝඨාගේ ප්‍රතිපත්ති ප්‍රකාශය 18 එළිදැක්වෙයි !

colombotoday

හරවා යැවූ IOC බාල තෙල් නැව ත්‍රිකුණාමලයෙන් ගොඩ බෑමේ සූදානමක්.. රටේම වාහන අනතුරේ !

colombotoday

පොදු ස්ථාන තහනම් කරමින් ගැසට් නිවේදනයක්

colombotoday

අසාද් සාලිට හෘදයාබාධයක් | අපරාධ පරීක්ෂණ දෙපාර්තමේන්තුවෙන් ජාතික රෝහලට යවයි.

colombotoday

තරුණයකු දීර්ඝ කාලයක් සිර කරන්න හොඳ නෑ. සිද්ධිය වෙද්දී බීලා ඉදල තියෙනෙ. එනිසා දුමින්ද සිල්වා නිදහස් කරන්න

colombotoday

 පොහොට්‌ටුව අම්මෙක්‌ තාත්තෙක්‌ නැති අවජාතක පක්‌ෂයක්‌ – පා. ම. ආනන්ද අලුත්ගමගේ

colombotoday