මහියංගණ ප්රාදේශීය සභාවට කොරෝනා වසංගත සමයේ එහි පාලන කටයුතු සඳහා බඳවා ගන්නා ලද තාවකාලික සේවකයන් පිරිසක් පහරදීම හේතුවෙන් සිදු වූ තුවාල හේතුවෙන් ප‍්‍රතිකාර ලබා ගැනීමටයැයි පවසමින් වටරැක විජිත හිමි මහියංගණ මූලික රෝහලට 28 වැනිදා (පෙරේදා) ඇතුළත් වී ඇත.
මොහොමඩ් වටරැක විජිත (හිමි) යන අන්වර්ථ නාමයෙන් හඳුන්වන එම භික්ෂුන් වහන්සේ මුදල් වෙනුවෙන් ජාතිය ආගම පාවා දෙන බවට පසුගිය කාලය පුරාම සිවිල් සංවිධානවල විවේචනයට ලක්වූ තැනැත්තෙකි.
වරක් බොදු බල සේනා සංවිධානයෙන් තමන්ට පහර දුන් බවට සඳහන් කරමින් රෝහල් ගත විය. පසුව සිදුකෙරුණු පොලිස් පරීක්ෂණයන්ගෙන් යතුරක් උපයෝගී කරගෙන තම ලිංගේන්ද්‍රියට තමන් විසින්ම හානි සිදුකරගෙන රෝහල් ගතවූ බවට හෙළිවූ අතර ඊට සැකපිට වටරැක විජිත (හිමි)ගේ සහෝදරයා ද අත්අඩංගුවට පත් විය.