වාහන ආනයනය කිරීමේදී මෙරටට හිමිවන බදු ආදායම අහිමි කරමින් ජපානයෙන් වාහන ගලවා මෙරටට ගෙන්වා යලි එකලස් කර විකිණීම සඳහා වෙහිකල් ලංකා සමාගම ට අවසර ලබාදෙමින් කැබිනට් පත්‍රිකාවක් දමා ඇති බවත් ඒ හරහා හරහා කෝටි ගණනක බදු වංචාවක් සිදුවෙන බවත් ජනතා විමුක්ති පෙරමුණේ හිටපු පාර්ලිමේන්තු මන්ත්‍රී වසන්ත සමරසිංහ මහතා ඊයේ (27) මාධ්‍ය හමුවක් පවත්වමින් අනාවරණය කර සිටියා.
යහපාලන රජයේ Top 10 වංචාව පිළිබඳව එවකට විපක්ෂය වර්තමාන ආණ්ඩුව නියෝජනය කරන මන්ත්‍රීවරු හඬ නැගූ බවත් එම Top 10 වංචාවේ එක් වංචාව ලෙස මෙම වාහන කොටස් ආනයනය කර එකලස් කිරීම සම්බන්ධයෙන් කරුණු ඇතුලත් කර තිබූ බවත් සඳහන් කර සිටි වසන්ත සමරසිංහ මහතා මෙම කැබිනට් පත්‍රිකාව පරාජය කරන ලෙස අමාත්‍යවරුන්ගෙන් ඉල්ලා සිටියා.
බාන්ඩාගාරයට ආදායම් අහිමි කරමින්, යාලුවෝ ටික ආදායම බෙදාගන්නවා රාජපක්ෂ භාණ්ඩාගාරයත් එක්ක යැයි ඒ මහතා චෝදනාවක් ද කළේය.