සුගිය මාස හය තුළ චීනයේ ඒජන්සියක් වන චයිනා ඩේලි විසින් ඇමරිකා එක්සත් ජනපදයේ පුවත්පත් සහ ප්‍රකාශන ආයතන සඳහා ඩොලර් මිලියන ගණනක් ගෙවා ඇති බව වාර්තා වේ.
එක්සත් ජනපද අධිකරණ දෙපාර්තමේන්තුවට ගොනු කර ඇති ස්වාධීන විශ්ලේෂක වාර්තාවක් මගින් මෙය අනාවරණය වී ඇති බව ඒඑන්අයි ප්‍රවෘත්ති සේවය වාර්තා කරයි.
වාර්තාවට අනුව, චීන කොමියුනිස්ට් පක්ෂය විසින් පාලනය කරනු ලබන චයිනා ඩේලි පුවත්පත, ටයිම් සඟරාව, විදේශ ප්‍රතිපත්ති සඟරාව, ෆිනෑන්ෂල් ටයිම්ස්, වොෂිංටන් පෝස්ට් සහ තවත් ඇමරිකානු සඟරා සඳහා ඩොලර් ලක්ෂ ගණනක් ගෙවා ඇත.
ආරංචි මාර්ග වලට අනුව ටයිම් සඟරාවට ඩොලර් 700,000 ක් ද, ෆිනෑන්ෂල් ටයිම්ස් ඩොලර් 371,577 ක් ද, විදේශ ප්‍රතිපත්ති සඟරාවට (Foreign Policy Magazine) ඩොලර් 291,000 ක් ද, ලොස් ඇන්ජලීස් ටයිම්ස් ඩොලර් 272,000 ක් ද, වෙනත් සැලකිය යුතු මාධ්‍ය ආයතනවලට ඩොලර් මිලියනයකට වඩා මුදලක් ලැබී තිබේ.
චීන කොමියුනිස්ට් පක්ෂය විසින් පාලනය කරනු ලබන චයිනා ඩේලි, වොෂිංටන් පෝස්ට් වෙත ඩොලර් මිලියන 4.6 කට වැඩි මුදලක් ද 2016 නොවැම්බර් මාසයේ සිට දළ වශයෙන් ඩොලර් මිලියන 6 ක් “The Wall Street Journal” සඳහා ගෙවා ඇති බව ඩේලි කෝලර් පුවත්පත වාර්තා කරයි.