ලොකොමොටිව් ඔපරේටින්ග්ස් ඉංජිනේරු සංගමය පවසන්නේ අද මධ්‍යම රාත්‍රියේ සිට ක්‍රියාත්මක වන පරිදි දුම්රිය වර්ජනයක් ආරම්භ කරන බව යි.
තවත් වෘත්තීය සමිති කිහිපයක් මෙම වෘත්තීය ක්‍රියාමාර්ගයට එක්වන බවත් එම සංගමයේ සභාපති චන්දන ලාල් මහතා අද දෙරණ වෙත ප්‍රකාශයක් සිදුකරමින් පැවසුවේ ය.
ලොකොමොටිව් ඔපරේටින්ග්ස් ඉංජිනේරු සංගමයේ සභාපතිවරයා පැවසුවේ ඒ අනුව දුම්රිය රියදුරු සංගමය දුම්රිය නියාමක සංගමය සහ දුම්රිය අධීක්ෂණ කළමනාකරුවන්ගේ සංගමය මෙම වැඩ වර්ජනයට එක්වන බව ය.