දරුණු කැපුම් තුවාල සහිතව කුරුණෑගල බස් නැවතුම්පොළ තුළ වැටී සිටි පුද්ගලයෙකු රෝහල්ගතකර ඇත.
මෙලෙස රෝහල්ගතකර ඇත්තේ කුරුණෑගල සුමංගල මාවත ප්‍රදේශයේ පදිංචි පුද්ගලයෙකි.
මෙලෙස පිහියකින් සිය සිරුරට තුවාල සිදුකරගෙන ඇත්තේ ඔහු අධික ලෙස මත්ද්‍රව්‍යවලට ඇබ්බැහි වූවෙකු නිසාත් මත්ද්‍රව්‍ය නොමැති වීම හේතුවෙන් බවත් පොලීසිය සැකපළ කරයි.
මෙලෙස තුවාල සිදුකරගෙන ඇති පුද්ගලයාට මීට පෙර විවිධ වැරදි සම්බන්ධයෙන් චෝදනා 13ක් පමන එල්ලවී තිබූ බවද පොලීසිය පවසයි.
මත්ද්‍රව්‍ය සොයාගැනීමට නොහැකි වීම නිසා සැකකරු විසින් පිහිතලයක් ගෙන සිය ගෙල සහ පපුව ප්‍රදේශයට හානි සිදුකරගෙන ඇති බවට වැඩිදුර පරීක්ශන වලදී පැහැදිලි වී ඇත.
කුරුණෑගල පොලීසිය සිද්ධිය සම්බන්ධයෙන් වැඩිදුරටත් විමර්ශනය කරයි.