2020 දී පන්ති කාමරයක මුහම්මද් නබිතුමාගේ පින්තූරයක් ප්‍රදර්ශනය කළ බවට චෝදනා කරමින් පිහියෙන් ඇන ඝාතනය කරන ලද ප්‍රංශ පාසල් ගුරුවරයෙකු වූ සැමුවෙල් පඩිගේ අනුස්මරණ දිනය සමරමින් සිටි අයට මීට දින කිහිපයකට පෙර ජර්මනියේ ස්ටුට්ගාර්ට්හි දී ප්‍රහාරයක් එල්ල විය. ඔවුන්ට පහර දුන් ප්‍රචණ්ඩත්වය ගැන වාර්තා කළ ඇතැම් මාධ්‍යවලට එම ප්‍රහාරය එල්ල කළ අය හුදෙක් මුස්ලිම්වරුන් ලෙස හඳුනාගෙන ඇති බව දැකගත හැකිය. ස්ටුට්ගාර්ට් ප්‍රහාරයේ පුවත මුස්ලිම්වරු, ඉස්ලාම්වාදීහු, සහ ජිහාඩ්වාදීහු යන වචන භාවිතයන් අතර පවතින සාමාන්‍ය අපැහැදිලි භාවයට උදාහරණයකි. දේශපාලන වේදිකාව, මාධ්‍ය සහ සමාජ මාධ්‍ය තුළ මෙම වචන භාවිතයන් සම්බන්ධයෙන් ඇති අපැහැදිලි භාවය දිගටම නිරීක්ෂණය වේ. මෙම අපැහැදිලිතාවය අහිංසක මුස්ලිම්වරුන්ට එරෙහි හිංසනයට තුඩු දෙයි.
මුස්ලිම්වරුත් අනිකුත් සැවොම වගේ සාමාන්‍ය මිනිසුන්ය. ඔවුන් ඉස්ලාමය තම ආගම ලෙස පිළිගෙන අනුගමනය කළ හැකි අයයි. ඉස්ලාම් යනු ඔවුන්ගේ ආගමික විශ්වාසය වන අතර, ඔවුන්ට අවශ්‍ය විටදී පමණක් තනි පුද්ගල විශ්වාසයක් ලෙස ආගමික දේවල් අනුගමනය කළ හැකි අතර අනිත් අවස්ථාවල සාමාන්‍ය මිනිසුන් ලෙස ජීවත් විය හැකි අයයි. සංගණන වලදී “මුස්ලිම්” ලෙස හඳුනාගෙන ඇති අයගෙන් බහුතරය එවැනි අයයි. ඔවුන්ගෙන් සමහරක් දිනකට පස් වතාවක් යාඥා කරයි. තවත් සමහරුන් දිනකට වරක් හෝ දෙවරක් යාඥා කරයි. තවත් සමහරුන්ට යාඥා කරන්නේ සිකුරාදා දිනවල පමණි. තවත් සමහරුන් යාඥා කරන්නේ වසරකට දෙතුන් වතාවක් පමණි. මොවුන් පොදුවේ හඳුන්වන්නේ මුස්ලිම්වරුන් ලෙසයි. ඔවුන්ට අනුව, ආගම ඔවුන්ගේ මුළු ජීවිතයම අත්පත් කරගෙන නැත.
මුස්ලිම් සමාජය තුළ ඉතා සුළුතරයක් වශයෙන් සිටින අතරම එම ප්‍රජාව වක්‍රව පාලනය කරන ආධිපත්‍යවාදී කොටසක් ඇත. ඔවුන් “ඉස්ලාම්වාදීන්” යනුවෙන් හඳුනාගෙන ඇත. ඔවුන් පිළිබඳ කරුණු මෙතෙක් ප්‍රමාණවත් විදියට පිටතට පැමිණ නැත. ‘ඉස්ලාමය මුළු ලෝකයම පාලනය කළ යුතුය, ලෝකයේ සියලුම ප්‍රශ්න වලට එකම විසඳුම ඉස්ලාම් ආගම පමණි, ලෝකයේ සෑම දෙයක්ම සිදු විය යුත්තේ ඉස්ලාම් පවසන ආකාරයටයි, සියලුම මුස්ලිම්වරුන් ඉස්ලාමය සම්පූර්ණයෙන්ම අනුගමනය කළ යුතුය, ඉස්ලාමය ලෝකයේ සෑම කෙනෙකුටම ප්‍රචාරය කළ යුතුයි, ඉස්ලාමය අනුගමනය නොකරන මිනිසුන්ට එරෙහිව යුද්ධ කිරීම, ඉස්ලාම් ආගම වෙනුවෙන් තම ජීවිතය පූජා කළ යුතුයි’ වැනි විවිධ භයානක අදහස් සහිතව සිටින ඉස්ලාම්වාදීන් විවිධ වේදිකාවල දිගුකාලීන සැලසුම් සහගත වී ඇත. මේ හැමෝම දිගු රැවුලක් සහිත අරාබි ඇඳුමෙන් පෙනී සිටිනු ඇතැයි උපකල්පනය කිරීම වැරදිය. ඔවුන්ගෙන් බොහෝ දෙනෙක් විලාසිතාමය පෙනුමක් ඇති අතර ඔවුන් ක්‍රමානුකූලව විවිධ ක්ෂේත්‍ර සහ වේදිකාව ආක්‍රමණය කරනු ඇත. ඔවුන් ප්‍රචණ්ඩත්වයට හා ත්‍රස්තවාදයට සෘජුව සම්බන්ධ නොවනු ඇත. කෙසේ වෙතත්, ඔවුන් ප්‍රචණ්ඩත්වය හා ත්‍රස්තවාදයේ යෙදිය හැකි අය නිර්මාණය කිරීමට හැකි අයයි. අවශ්‍ය වූ විට පමණක් ඒවාට සෘජුව සම්බන්ධ වීමේ ශක්තියක් ද ඔවුන් තුළ දක්නට ලැබේ. පීඩිත මුස්ලිම්වරුන් ගැන සැලකිලිමත් වන වාමාංශිකයන් සහ ප්‍රගතිශීලීන් වැනි පාර්ශවයන්ව සිය අරමුණු සාක්ෂාත් කර ගැනීම සඳහා සූක්ෂම ලෙස භාවිතා කිරීමට සහ සහාය සඳහා බලපෑම් කිරීමට ද ඔවුන් සූක්ෂමය.
ඉස්ලාමීය මූලාශ්‍රවල දක්නට ලැබෙන ප්‍රචණ්ඩත්වය, කාන්තා හිංසනය, විද්‍යාත්මක ප්‍රතිවිරෝධතා සහ මිථ්‍යා විශ්වාසයන් ඉතා සූක්ෂ්ම ලෙස සාධාරණීකරණය කිරීමට සමත් යැයි සැලකෙන “ ඉස්ලාම්වාදීහූ” තමන් පෑනෙන් ජිහාඩ් කරන බව විශ්වාස කරති. ජිහාඩ් ත්‍රස්තවාදීන් ප්‍රහාර එල්ල කරන විට, ඉස්ලාම්වාදීන් එම අවස්ථාවට සුදුසු පරිදි ප්‍රතිවිරුද්ධ ස්ථාවරය ගනු ඇත. ලෝක දර්ශනයට අනුව ඔවුන් තම ස්ථාවරය හැඩගස්වනු ඇත. ඔවුන් බොහෝ විට “ඉස්ලාමය මෙයට සම්බන්ධ නැත” යන ප්‍රකාශයන් කරන අතර සමහර අවස්ථාවල ත්‍රස්තවාදී ප්‍රහාර සාධාරණීකරණය කිරීම සඳහා නිදහස් අරගල උදාහරණ ලෙස ගෙන හැර පායි. බොහෝ විට ඔවුන් තමන්ට පැවරෙන කාර්යය සැලසුම් සහගතව ඉටු කිරීමට දක්ෂයි. අධ්‍යාපනය, පරිපාලනය, මාධ්‍ය, රාජ්‍ය නොවන සංවිධාන සහ සමාජ සේවා වැනි ක්ෂේත්‍ර තුළ ඔවුන්ගේ ආක්‍රමණය ඉතා පිළිවෙළින් සහ සැලසුම්ගතව සිදුවී ඇත. ශ්‍රී ලංකා රජය විසින් සිසුන්ට නොමිලේ ලබා දෙන ඉස්ලාමීය පෙළපොත් වල ප්‍රචණ්ඩත්වය සහ වෛරය ඇවිස්සන කරුණු අඩංගු වී තිබීම, ශ්‍රී ලංකා ජමාතේ ඉස්ලාමී සංවිධානය ඉස්ලාමීය පාලනයක් ඇති කිරීම අරමුණු කරගත් විවිධ නම්වලින් පවත්වනු ලබන නේවාසික පුහුණු කඳවුර රජයේ දෙපාර්තමේන්තු මගින් අනුමත කර ගැනීම සහ රජයේ ලාංඡන භාවිත කිරීමට අවසර ලබා ගැනීම වැනි සමහර සිදුවීම් ඉස්ලාම්වාදීන්ගේ ක්‍රමානුකූලව ඇතුල්වීමේ ප්‍රතිවිපාක වේ.
තෙවන පාර්ශවයක් වන “ජිහාඩ්වාදීන්” සාමාන්‍යයෙන් ඉස්ලාම්වාදීන්ගෙන් බිහි වූ අයයි. ඉස්ලාම්වාදීන් විශ්වාස කරන දේ සහ ඔවුන් දිගුකාලීන සැලසුම් සමඟ ක්‍රියාත්මක කිරීමට බලාපොරොත්තු වන දේ, ප්‍රචණ්ඩත්වය සහ ආයුධ මගින් සාක්ෂාත් කර ගැනීමට උත්සාහ කරන අය ජිහාඩ්වාදීන් ය. පහර දීමට සූදානම් වන තුරු ඔවුන් ඉස්ලාම්වාදීන් ලෙස පවතිනු ඇත. ඉස්ලාම්වාදියෙක් නොවන මුස්ලිම් කෙනෙක් ඍජු ජිහාඩ්වාදීයෙක් බවට පත්වන්නේ ඉතා කලාතුරකිනි. ජිහාඩ්වාදී මරාගෙන මැරෙන බෝම්බකරුවෙකුට මරාගෙන මැරෙන ප්‍රහාරයක් එල්ල කළ හැක්කේ එක් වරක් පමණි, නමුත් ඉස්ලාම්වාදියෙකුට අසංඛ්‍යාත ජිහාඩි මරාගෙන මැරෙන බෝම්බකරුවන් නිර්මාණය කිරීමේ හැකියාව ඇත.
මම අද දක්වාම ඉස්ලාම්වාදීන් සහ ඔවුන්ගේ රහස් සැලසුම් හෙළිදරව් කරමින් සිටිමි. ඒ නමුත් ඔවුන් වහාම බෝම්බ පුපුරවා හරිනු ඇතැයි උපකල්පනය කළ නොහැක. ඔවුන්ගේ සැලසුම් ක්‍රියාත්මක කිරීමට ප්‍රමාණවත් කාලයක් ගතවනු ඇත. නිසි අවස්ථාව පැමිණි විට පමණක් ඔවුන් ක්‍රියා කරන නිසා එය ක්‍ෂණිකව සිදුවේ යැයි කිව නොහැක. සහරාන් සහ ඔහුගේ ISIS සම්බන්ධය පිළිබඳව මම 2016 ජූලි මාසයේදී ආරක්ෂක අංශ වෙත මගේ පළමු පැමිණිල්ල ඉදිරිපත් කළා. නමුත් කිසිවක් ක්‍ෂණිකව සිදු නොවීය. ඒ වෙනුවට සහරාන් සහ ඔහුගේ සගයන් ත්‍රස්තවාදී මරාගෙන මැරෙන බෝම්බ ප්‍රහාර එල්ල කළේ වසර තුනකට පමණ පසුවය. එබැවින් අද ක්‍රියාත්මක වන ඉස්ලාම්වාදීන් ඔවුන්ගේ දිගුකාලීන සැලසුම් ක්‍රියාත්මක කරන්නේ කවදාදැයි අනාවැකි කීම පහසු නැත. 2016 ජුලි මාසයට පෙර සහරාන්ගේ ISIS සම්බන්ධය ගැන වෙනත් කිසිවකු පැමිණිලි කර ඇති බවට කිසිදු නිල තොරතුරක් මම නොදනිමි. කෙසේ වෙතත්, බෝම්බ ප්‍රහාරයෙන් පසු බොහෝ ඉස්ලාම්වාදීන් ෆේස්බුක් වැනි සමාජ මාධ්‍යවල ඔවුන්ගේ පෙර පළ කිරීම් හා ලිපි මකා දැමූ අතර සහරාන් විරෝධී ලිපි බෙදාගෙන ඔවුන් ඉස්ලාමීය ත්‍රස්තවාදයට විරුද්ධ බව අන් අයට ඒත්තු ගැන්වීමට උත්සාහ කළහ. මාවනැල්ලේ බුද්ධ ප්‍රතිමාව කඩා දැමීමෙන් පසු මාවනැල්ල දී තස්ලීම්ට වෙඩි තියද්දී, මම වෙඩි තියපු අය ගැන හෙළි කළාම, ශ්‍රී ලංකා ජමාතේ ඉස්ලාම් සංවිධානයට සම්බන්ධ අය මාව නිහඬ කරන්න උත්සාහ කළා.
ශ්‍රී ලංකා ජමාතේ ඉස්ලාම් යනු දිගුකාලීන න්‍යාය පත්‍රයක් සමඟ ක්‍රියාත්මක වන ජිහාඩ්වාදී, ඉස්ලාම්වාදී සංවිධානයකි. ඇෆ්ගනිස්තානය, පාකිස්ථානය, කාශ්මීරය වැනි ප්‍රදේශවලට ශ්‍රී ලාංකික මුස්ලිම් තරුණයන් ජිහාද් සඳහා යැවීමේ පුරෝගාමීන් වූයේ ඔවුන්ය. අද ශ්‍රී ලංකාවතුල ක්‍රියාත්මක වන බොහෝ ඉස්ලාම්වාදීන් ජමාතේ ඉස්ලාම් විසින් පුහුණු කර නිර්මාණය කරන ලද අයයි. සාමාන්‍ය මුස්ලිම්වරු ඉන් වෙනස් වෙති. ඉස්ලාම්වාදීන් වෙනස් බව සැබෑ වුවත්, ඉස්ලාම්වාදීන් මෙය කිසි විටෙකත් පිලිගැනීමට සුදානම් නැත. අන් අය මෙම සත්‍ය දැන ගැනීමටද ඔවුන් මැලි වෙති.. ඔවුන් මුස්ලිම්වරුන් අතර සැඟවී සිට ඔවුන් සහ මුස්ලිම්වරුන් එක බව පෙන්වීමට ඔවුන් උත්සාහ කරනු ඇත. ඉස්ලාම්වාදීන් තම ගැටළු සහ තමන්ට එරෙහි විවේචන ‘මුස්ලිම් සමාජයේ ගැටළු’ ලෙසත්, ‘මුස්ලිම් සමාජයට එල්ල වන විරෝදනා’ ලෙසත් නිරූපණය කිරීමට සහ අනුකම්පාව සෙවීමට දක්‍ෂ වනු ඇත. තමන්ට එරෙහි ප්‍රශ්න සහ විවේචන මෘදු කිරීම සඳහා “ඉස්ලාම් භීතිකාව” (Islamophobia) යන යෙදුම ඵලදායී ලෙස භාවිතා කිරීමට ද ඔවුහු දක්‍ෂ වෙති.
ශ්‍රී ලංකාව ඉස්ලාමීය රාජ්‍යක් ලෙස හැරවීමේ දීර්ඝ කාලීන සැලසුමක් ඇති ප්‍රමුඛ සංවිධානයක් වන ශ්‍රී ලංකා ජමාතේ ඉස්ලාම් සංවිධානයේ හිටපු නායක හජ්ජුල් අක්බර් නැමැත්තා 2020.10.26 වන දින ජනාධිපති විමර්ශන කොමිසම හමුවේ ‘ලංකාවේ සියලුම මුස්ලිම්වරු ඉස්ලාමීය රාජ්‍ය ගැන නිතරම කතා කරනු ඇත’ යන අර්ථයෙන් කල ප්‍රකාශය පවා ඉහත සඳහන් කළ පරිදි උපායශීලී පියවරක් ලෙස සැලකේ. ශ්‍රී ලංකාව තුළ ඉස්ලාමීය රාජ්‍යක් පිහිටුවීමේ තම සංවිධානයේ රහස් සැලැස්ම ගැන ප්‍රශ්න කළ විට, එය සමස්ත මුස්ලිම් ප්‍රජාවගේ ව්‍යාපෘතියක් ලෙස හජ්ජුල් අක්බර් විසින් හුවා දැක්වීමට උත්සාහ කර ඇති අතර සමස්ත මුස්ලිම් ප්‍රජාවම ඉස්ලාම්වාදීන් ලෙස හුවා දැක්වීමට උත්සාහ කර ඇත. සාමාන්‍ය මුස්ලිම්වරු ඉන් වෙනස්, ඉස්ලාම්වාදීන් වෙනස් කියන කාරණය මතුවෙන්න ඉඩ නොදිය යුතු බවට ඔවුන් සැලකිලිමත් වේ. ඔවුන්ගේ එකම ආරක්ෂාව මුස්ලිම්වරුන් අතර මිශ්‍රවී සිටීම බව ඉස්ලාම්වාදීන් හොඳින් වටහාගෙන දනී. කෙසේ වෙතත්, ඉස්ලාම්වාදීන් හඳුනා ගැනීමටත් හෙළිදරව් කිරීමටත් ඔවුන් බැහැර කිරීමටත් මුස්ලිම් ප්‍රජාව ඉදිරිපත් විය යුතුය. එසේ නොවුවහොත් මුස්ලිම් ප්‍රජාව යළිත් අනතුරකට ලක්විය හැකිය.
ශ්‍රී ලංකාවේ සිදුවූ පාස්කු ඉරිදා මරාගෙන මැරෙන බෝම්බ ප්‍රහාරවලින් සහ ඉන් අනතුරුව සිදු කළ පරීක්‍ෂණවලින් හෙළි වූ “සුෆි මුස්ලිම්වරුන් හොඳ නිසා ඔවුන් රටට අනතුරක් නොකරයි” යන ජනප්‍රිය විශ්වාසය සමඟින් අද බොහෝ ඉස්ලාම්වාදීහූ සූෆිවරුන් ලෙස වෙස්වලාගෙන ඇති අතර ඔවුන් මෞලානා රූමි වැනි සූෆි සාන්තුවරයන්ගේ අදහස් සමාජ මාධ්‍ය ඔස්සේ බෙදා හරිමින් නිරතව සිටිති. සූෆි මුස්ලිම්වරුන් ඇතුළු සියලුම පාර්ශව ඉස්ලාම්වාදීන්ගේ මෙම කපටිකම ගැන අවදියෙන් සිටිය යුතුය.
හිටපු මුස්ලිම්වරයෙකු සහ හිටපු ඉස්ලාම්වාදියෙකු ලෙස, “ඉස්ලාම්වාදීන්” පිළිබඳව මෙතෙක් ප්‍රසිද්ධියට පත් වෙලා නොතිබූනු දේවල් හෙළිදරව් කිරීම මාගේ ජීවිතයට තර්ජනයක් විය හැකිය. කෙසේ වෙතත්, මම අන් අය විසින් නිශ්ශබ්ද කරන්නේ නම් මිස මම නිහඬව නොසිටිමි. මම ඉස්ලාම්වාදීන්, ජිහාඩ්වාදීන්, ත්‍රස්තවාදීන්, අන්තවාදීන් සහ ඔවුන්ගේ සැලසුම් සහ ඉගැන්වීම් දිගටම හෙළිදරව් කරමි, මගේ අවසන් හුස්ම වන තුරුම මම ඒ සඳහා උත්සාහ කරමි.
මුස්ලිම් ප්‍රජාව මුස්ලිම් නායකයන් විසින් මෙහෙයවන ලද වකවානුවේදී අධ්‍යාපනය, වෘත්තීය, ක්‍රීඩා වැනි දේ වලින් බොහෝ ජයග්‍රහණ සහ අයිතීන් අත්පත් කර ගන්නා ලදී. අද මුස්ලිම් ප්‍රජාව භුක්ති විඳින බොහෝ වරප්‍රසාද සහ අයිතිවාසිකම් මුස්ලිම් නායකයන්ගෙන් උරුම වූ ඒවාය. එම වකවානුවේදී මුස්ලිම්වරුන්ට අනෙකුත් ජන කොටස්වල ඉහළ ගෞරවයක් හිමි විය. නමුත් මුස්ලිම් ප්‍රජාවේ නායකත්වය මුස්ලිම් නායකයන්ගෙන් ඉස්ලාම්වාදීන් පැහැර ගැනීමට පටන් ගත් විට, මුස්ලිම් ප්‍රජාව අන් අයගේ වෛරයට පාත්‍ර වූ ප්‍රජාවක් බවට පත්වීමට පටන් ගත්තේය. ඉස්ලාම්වාදීන් මුස්ලිම් ප්‍රජාවට අත්කර දී ඇත්තේ අන්තවාදී මතවාදය ප්‍රජාව තුළට පැතිරීම, මුස්ලිම් තරුණයන්ගේ මොළ සේදීම සහ ජාත්‍යන්තර ත්‍රස්තවාදී සංවිධාන වෙත ඔවුන් හඳුන්වා දීම සහ ඔවුන් තුළ ත්‍රස්තවාදය ඇති කිරීම පමණි. මුස්ලිම්වරුන් සාමකාමීව ආගමක් ලෙස පමණක් ඇදහූ ඉස්ලාම් දහම, ‘අනෙකුත් දේශපාලන සමාජීය මතවාද සියල්ල විනාශ කර තනිව පාලනය කළ යුතු’ යැයි සිතන ෆැසිස්ට් මතවාදයක් බවට පරිවර්තනය කර ඇත්තේ තුච්ඡ ඉස්ලාම්වාදීන්ය. ආගමක් ලෙස සාමකාමීව ඇදහූ ඉස්ලාම් දහම, ෆැසිස්ට්වාදී දේශපාලන මතවාදයක් ලෙස ඉස්ලාම්වාදීන් විසින් මුස්ලිම්වරුන් මත පැනවූ දා (හෝ හඳුන්වා දුන් දින) සිටම මුස්ලිම්වරුන් ඇතුළු අනෙකුත් අයගේ සන්සුන් භාවය නැති වීමට පටන් ගෙන තිබේ.
ඉස්ලාම්වාදීන්ගෙන් මුස්ලිම්වරුන් ගලවා ගැනීමේ වගකීම මනුෂ්‍යත්වය ඇති සෑම කෙනෙකුටම තිබේ. බොහෝ වාමාංශිකයින්ට සහ ප්‍රගතිශීලී චින්තකයින්ට ඉස්ලාම්වාදීන් සහ මුස්ලිම්වරුන් අතර වෙනස නොතේරෙන හෝ තේරුම් ගැනීමට අකමැත්තෙන් සිටිති. එබැවින් මුස්ලිම් සුළුතරයට තමන් පක්‍ෂව සිටින බව පවසන වාමාංශිකයන් සහ ප්‍රගතිශීලීන් සැබැවින්ම අත්වැල් බැඳගෙන සිටින්නේ මුස්ලිම් ජනතාව පීඩාවට පත් කරන ඉස්ලාම්වාදීන් සමගයි. මුස්ලිම්වරුන්ට ආදරය කරන අය ඉස්ලාම්වාදීන්ගෙන් ඔවුන්ව නිදහස් කර ගැනීමට උත්සාහ කරනවා හැර, ඉස්ලාම්වාදීන් සමඟ අත්වැල් බැඳගත යුතු නැත. තමන් අත්වැල් බැඳ ගන්නේ පීඩිත මුස්ලිම්වරුන් හා හිටපු මුස්ලිම්වරුන් සමඟද නැතහොත් පීඩාකාරී ඉස්ලාම්වාදීන් සමඟද යන්න පිළිබඳව ප්‍රගතිශීලී බලවේග සහ වාමාංශිකයින් පැහැදිලි ස්ථාවරයක් ගත යුතු කාලය පැමිණ ඇත. පීඩිතයන් සමඟ යැයි කියමින් හෝ සිතමින් පීඩකයන් සමඟ අත්වැල් බැඳගැනීමේ පරස්පර විරෝධී ක්‍රියාව තවදුරටත් ඔවුන් නොකළ යුතුය.
අපි ජර්මනියේ ස්ටුට්ගාර්ට් ප්‍රහාරය වෙත ආපසු එමු. ප්‍රංශයේ සැමුවෙල් පඩි පාසල් ගුරුවරයා ඝාතනය කළ පුද්ගලයා ජිහාඩ් වාදියෙකු ලෙස හැඳින්වීම ද සැමුවෙල් පඩිගේ අනුස්මරණ උත්සවයට පැමිණි අයට පහර දුන් අය ජිහාඩ්වාදීන් හෝ ඉස්ලාම්වාදීන් ලෙස හැඳින්වීම ද සුදුසු ය. එවැනි පුද්ගලයන්ට සාමාන්‍යයෙන් මුස්ලිම් යැයි කීම ඉතා වැරදි ක්‍රියාවක් වන අතර එය මුස්ලිම් වෛරය ඇති කිරීමට හේතු වේ. එබැවින් මෙතැන් සිට පොදුවේ මුස්ලිම්වරුන් ලෙස සඳහන් කිරීම වෙනුවට ජිහාඩිවාදී සහ ඉස්ලාම්වාදි යන යෙදුම් සුදුසු ස්ථානවල භාවිතා කිරීම සුදුසුය.
රිෂ්වින් ඉස්මත් (කතෘ පිලිබඳ විස්තර)
- රිෂ්වින් ඉස්මත් හිටපු මුස්ලිම් වරයෙකු හා හිටපු ඉස්ලාම්වාදියකුද වේ…
- ඔහු ඉස්ලාම් ආගමෙන් 2013 වසර ඉවත් වුනු අතර ශ්‍රී ලංකාවේ විවෘතව සිටින එකම හිටපු මුස්ලිම් වරයාය.
- ඔහු ශ්‍රී ලංකාවේ හිටපු මුස්ලිම් වරුන්ගේ කවුන්සිලයේ වත්මන් මාධ්‍ය ප්‍රකාශක වන අතර එම කවුන්සිලයේ පුරෝගාමී සාමාජිකයෙක්ද වේ.
- පාස්කු පහාරය සම්බන්ධයෙන් සිදුවු පොලිස් විමර්ශන වලින් එලිවුයේ සහරාන් පමුඛ ඉස්ලාම්වාදින් කිහිප විටක්ම මොහුව ඝාතනය කිරීමට තැත් කර ඇති බවයි.
- රිෂ්වින් 2019 ඡූනි 20 වෙනි දින පාර්ලිමේන්තු තේරීම් කාරක සභාව හමුවේ පෙනී සිටි අතර පාසල් පෙළපොත් තිබූ අන්තවාදී ආගමික ඉගැන්වීම් එලි කලේය.
- ඔහු නැවතත් 2020 මාර්තු 07 හා 2020 මැයි 13 යන දිනවල ජනාධිපති කොමිසම ඉදිරියේ පකාෂයක් ඉදිරිපත් කලේය.