Colombo Today Local News

බෙහෙත් විසිකර මාට්ටුවූ රිෂාඩ් බදුර්දීන් ජාතික රෝහලෙන් දොට්ට දමයි. – යලි අපරාධ පරීක්ෂණ දෙපාර්තමේන්තුවට

අපරාධ පරීක්ෂණ දෙපාර්තමේන්තුව භාරයේ සිටියදී අදාළ දැරිය මියගිය දිනට පසුදින ඇතිවූ අසනීප තත්ත්වයක් මත රිෂාඩ් බදියුදීන් මන්ත්‍රීවරයා කොළඹ ජාතික රෝහලට ඇතුළත් කර තිබුණි.

එහිදී ඔහු වෙනම වැසිකිළියක් භාවිතා කර ඇති අතර ඔහු සෑම දිනකම එය භාවිත කිරීමට යන අවස්ථාවේදී අපරාධ පරීක්ෂණ දෙපාර්තමේන්තුවේ නිලධාරීන් විසින් ඒ පිළිබඳව විමසිල්ලෙන් සිට තිබේ.

ඒ අනුව ඊයේ (24) දිනයේදී ඔහු වැසිකිළියට ගොස් ඇත්තේ සැක සහිත ලෙස කොළ කැබැල්ලක් සිය අත්ල මත රහසිගතව ගුලි කරගෙන බව නිරීක්ෂණය වී ඇත.

පසුව වැසිකිළිය තුළට ගිය මන්ත්‍රීවරයා තමන් අත වූ කොළ කැබැල්ල එහි වූ සුළං කවුලුවෙන් පිටතට විසිකර තිබේ.

ඒ අවස්ථාවේදී ඒ අසල සිටි බුද්ධි නිලධාරීන් විසින් එය අහුලාගෙන පරීක්ෂා කිරීමේදී ඒ තුළ වූ බෙහෙත් පෙති කිහිපයක් සොයාගෙන ඇත.

අනතුරුව මන්ත්‍රීවරයා සිටි 52 වැනි වාට්ටුව භාර වෛද්‍යවරයාට අදාළ බෙහෙත් පෙති සහ මන්ත්‍රීවරයාව ඉදිරිපත් කිරීමෙන් පසුව අනාවරණ වී ඇත්තේ ඔහුට පානය කිරීමට ලබාදෙන බෙහෙත් පෙති මෙලෙස ඉවතට විසිකර ඇති බවය.

අනතුරුව මන්ත්‍රීවරයාගේ ප්‍රතිකාර අවසන් කර ඔහුව නැවත වතාවක් අපරාධ පරීක්ෂණ දෙපාර්තමේන්තුව වෙත රැගෙන යෑමට වෛද්‍යවරයා විසින් නිර්දේශ කර තිබේ.

ඒ අනුව මන්ත්‍රීවරයාව අපරාධ පරීක්ෂණ දෙපාර්තමේන්තුව වෙත රැගෙන යනු ලැබීය.

Related posts

පාසලක් නැතිව ළමුන් 2000 ක් ගෙවල්වල

colombotoday

තලංගම බෝම්බ පිපිරීමක්.. තිදෙනෙක් මරුට !

colombotoday

රන්ජන් ඇමරිකාවේ බැංකුවකට පොලු තියලා… අත්අඩංගුවට ගතයුතු පුද්ගලයෙකු යැයි නම් කරයි

colombotoday

සතොස ඕගනික් සුපර් මාකට් සෑම නගරයකටම

colombotoday

බේකරි නිෂ්පාදනවල මිල ඉහළට ?

colombotoday

බොරැල්ලේත් වෙඩිතැබීමක්

Admin