එක්සත් ජාතික පක්ෂයේ මහලේකම් ධුරය බාරගන්නැයි එජාප පසුපෙළ මන්ත්‍රීවරුන්ගෙන් අමාත්‍ය නවීන් දිසානායක මහතා වෙත ඉල්ලීමක් ඉදිරිපත්ව තිබෙන බව වාර්තා වේ.
එජාප මහලේකම් ධුරය සදහා අමාත්‍ය අකිල විරාජ් කාරියවසම් මහතාගේ නම යෝජනා වී තිබුණද එජාප ප්‍රතිසංවිධානය සදහා දේශපාලන මණ්ඩල සාමාජිකයන් පත්කිරීමේ ඡන්දයේදී නවීන් දිසානායක මහතා වැඩි ඡන්ද ප්‍රමාණයක් ලබා ගැනීම හේතුවෙන් මෙම ඉල්ලීම ඉදිරිපත්ව ඇතැයි පැවසේ.
පාර්ලිමේන්තු මන්ත්‍රීවරුන්ගේ වැඩිම ප්‍රසාදය දිනාගත් පුද්ගලයා අමාත්‍ය නවීන් දිසානායක මහතා වන බැවින් පක්ෂයේ මහලේකම් ධුරයට සුදුසුම පුද්ගලයා ඔහු බවද පාර්ලිමේන්තු මන්ත්‍රී කාවින්ද ජයවර්ධන මහතා පවසයි.
මේ අතර නව මහලේකම් ධුරය සදහා හිටපු අමාත්‍ය ඉමිතියාස් බාකීර් මාකර් මහතාගේ නමද යෝජනා වී ඇත.