2015 මැයි 21 වන දින අභියාචනාධිකරන සභාපති විනිසුරු වී.කේ මලල්ගොඩ මහතාට අපහාස වන ආකාරයෙන් ප්‍රකාශයක් සිදුකිරීම සන්බන්ධයෙන් චෝදනා ලබා සිටි නීතිඥ නාගනන්ද කොඩිතුවක්කු මහතාගේ නීතිඥභාවය වසර තුනකට අත්හිටුවීමට ශ්‍රේෂ්ඨාධිකරණය පසුගිය මාර්තු 18 දින නියෝග කරන ලදි.
මේ පිළිබඳව සමාජය තුල කතාබහක් ඇතිවූ අතර තීන්දුවෙන් පසුවද නගානන්ද කොඩිතුවක්කු මහතා විවිධ ප්‍රකාශ සිදුකරනු දක්නට ලැබිණ.
මෙම නඩුව ආරම්භ වූ අවස්ථාවේදී නගා ඇති චෝදනාවලට තමා නිවැරදි කරු බව නීතිඥ නගනන්ද කොඩිතුවක්කු මහතා වීරත්වයෙන් ප්‍රකාශ කර ඇති අතර ඒ පිළිබඳව මාධ්‍යය ඉදිරියේ පවා ප්‍රකාශ ලබා දෙන ලදි.
කෙසේ වෙතත් 2019 මාර්තු 13 වන දින ශ්‍රේෂ්ඨාධිකරණයේදී ප්‍රකාශයක් ලබාදෙමින්,
2015 මැයි 21 සිදුකල ප්‍රකාශය පිළිබඳව, අභියාචනාධිකරන සභාපතිවරයාගෙන් සහ සිද්ධිය සිදුවූ අවස්ථාවේ අභියාචනාධිකරන සභාපති විනිසුරු ලෙස කටයුතුකළ වී. කේ. මලල්ගොඩ මහතාගෙන් සහ අනෙකුත් සියලුම අභියාචනාධිකරණ විනිසුරුවරුන්ගෙන්, තමාගේ කණගාටුව සහ කොන්දේසි විරහිත සමාව ඉල්ලා සිටින බව විවෘත අධිකරණයේදී ප්‍රකාශයක් ලබා දෙමින් නාගනන්ද කොඩිතුවක්කු මහතා සඳහන් කර ඇති අතර අවශ්‍යයනම් එය ලිඛිතව ලබා දීමටද තමන් සුදානම් බවද ප්‍රකාශ කර ඇත. (ඒ බව නඩු තීන්දුවේ සඳහන් කර ඇත)
එම සමාව ගැනීම තුලින් නාගනන්ද කොඩිතුවක්කු මහතා වරදක් කර ඇති බව පිළිගෙන ඇති බැවින් වසර තුනකට නීතිඥභාවය අත්හිටුවීමට ශේෂ්ඨාධිකරණය නියෝග කරන ලදි.
නඩු තීන්දුව….
