හලාවත මුන්නේෂ්වරම් දේවාලය භූමිය අසලින් අනුරාධපුර යුගයට අයත් ඉපැරණි නටඹුන් හමුවී තිබෙනවා.
දේවාල භූමිය අසල පිහිටි මුන්නේෂ්වරම් වැවේ රොන් මඩ ඉවත් කිරීමේදීයි මෙම නටඹුන් හමුවී තිබෙන්නේ.
විවිධ ප්‍රමාණයේ ගඩොල් වර්ග සහ පාත්‍ර කොටස් මෙලෙස කැණීම්වලදී සොයාගෙන ඇති අතර, ඒ සම්බන්ධයෙන් වැඩිදුරටත් පරික්ෂණ පවත්වන බව පුරාවිධ්‍යා දෙපාර්තමේන්තුව සදහන් කරයි.
අනුරාධපුර යුගයේ තුමුලසෝම පිරිවෙන පිහිටියේ වත්මන් දේවාල භූමියෙ බව සදහන් වේ. පරංගීන් විසින් ඓතිහාසික තුමුලසෝම පිරිවෙන ගිනිතබා විනාශ කර ඇති අතර, පසුකාලීනව හින්දු කෝවිල එම භූමියේ ඉදිකර ඇති බව ඓතිහාසික මූලාශ්‍රවලින් හෙළි වෙයි.
