Colombo Today Local News

සම්බන්ධන්ට රජයේ ඇමතිධුරයක්… විපක්ෂ නායකකමින් ඉල්ලා අස්වෙන්න සූදානම්

රජයේ අමාත්‍ය ධුරයක් ලබාගෙන විපක්ෂ නායක ධුරය අත්හැරීමට කටයුතු කරන මෙන් ආර්. සම්පන්දන් මන්ත්‍රිවරයාට ඉදිරිපත් කොට ඇති යෝජනාව පිළිබඳව බොහෝ කරුණු සිතා බැලිය යුතුව ඇතැයි සම්පන්දන් මන්ත්‍රිවරයා ප්‍රකාශ කොට තිබේ.

මනෝ ගනේෂන් අමාත්‍යවරයා විසින් මේ යෝජනාව ඉදිරිපත් කිරීමෙන් පසුව ඒ සම්බන්ධයෙන් විපක්ෂ නායකවරයා දරන අදහස කුමක්දැයි උතුරේ මාධ්‍යවේදීන් පිරිසක් ඔහුගෙන් විමසූ විට රජයේ අමාත්‍ය ධුරයක් ලබා ගැනීමට අකැමැති බවක් සම්පන්දන් මන්ත්‍රිවරයා ප්‍රකාශ කොට නොමැත.

මෙහිදී සම්පන්දන් මන්ත්‍රිවරයා පවසා ඇත්තේ රජයෙන් අමාත්‍ය ධුරයක් ලබා ගන්නා ලෙස යෝජනා වී ඇත්තේ සෘජුවම රජයෙන් නොව අමාත්‍යවරයකුගෙන් නිසා මේ ගැන බොහෝ සෙයින් කල්පනා කළ යුතුව ඇති බවයි.

මේ තත්ත්වය ඉතාම සාධනීය තත්ත්වයක් වුවත් තමන්ට එක එල්ලේ ඒ ගැන තීරණයක් ගැනීමට හෝ අදහසක් දැක්වීමට නොහැකි බව පවසන සම්පන්දන් මන්ත්‍රිවරයා මෙය ඉතා හදිස්සියෙන් තීරණය කළ යුතු කාරණයක් නොවන බවද පවසා ඇත.

මේ යෝජනාව සම්බන්ධයෙන් මේ වන විට දෙමළ ජාතික සන්ධානයේ මන්ත්‍රිවරුන්ගෙන්ම විරෝධයක් පළ වී තිබේ.

ඔවුන් පවසා ඇත්තේ සම්පන්දන් මන්ත්‍රිවරයාට රජයේ අමාත්‍ය ධුරයක් ලැබුණහොත් රජයට එරෙහිව කිසිවක් ප්‍රකාශ කිරීමට නොහැකි වන නිසා උතුරු නැඟෙනහිර දෙමළ වැසියන්ගේ අයිතිවාසිකම් වෙනුවෙන් කිසිවක් ලබා ගැනීමට හැකි නොවන බවයි.

Related posts

රුපියල බාල්දු වෙයි… ඓතිහාසික වාර්තාවක් තබමින් ඩොලරය නගී

colombotoday

ග්‍රාමීය සංවර්ධන අමාත්‍යාංශයත් මාසකට ලක්ෂ 96ක කුලී ගොඩනැගල්ලක !

colombotoday

ආනයන භාණ්ඩ 367 කට පැනවූ තහනම දීර්ඝ කෙරේ…

colombotoday

හියුමන් ඉමියුනොග්ලොබියුලීන් බෙහෙත් හිඟයක් මැවුවා ද?

colombotoday

බස්නාහිර පළාතේ සිදුකළ විශේෂ වැටලිම්වලදී මත්ද්‍රව්‍ය ළඟ තබාගෙන සිටි 429ක් අත්අඩංගුවේ

colombotoday

අලි සබ්‍රි අල්-ටකියා භාවිතා කරන කපටි නරියා ඉස්ලාම් අන්තවාදීන්ගේ උවමනාව නියෝජනය කරන රජයේ නියෝජිතයායි.

colombotoday