දැරියක් ලිංගික කටයුතු සඳහා මිලටගත් මිහින්තලේ ප්‍රාදේශීය සභා උප සභාපති අත්අඩංගුවට ගෙන ඇති බව පොලිස් මාධ්‍ය ප්‍රකාශක, වැඩ බලන නියෝජ්‍ය ජේෂ්ඨ පොලිස්පති අජිත් රෝහණ මහතා අද (1) පැවසීය.
ගල්කිස්ස ප්‍රදේශයේ වයස අවුරුදු 15 ක පමණ මෙම දැරිය අන්තර්ජාලය ඔස්සේ අලෙවි කර ඇති අතර ඇයව අලෙවි කිරීමට සම්බන්ධ පුද්ගලයන් 15 දෙනෙකු 18 දෙනෙක් ඊයේ වන විට අත්අඩංගුවට ගෙන තිබු අතර ඊයේ (30) රාත්‍රියේ තවත් තිදෙනෙකු අත්අඩංගුවට ගෙන ඇත.
ඊයේ අත්අඩංගුවට ගත් පුද්ගලයින් අතර චිවරධාරියෙකු ද සිටි අතර මෙලෙස දැරියව මිලදී ගත් තවත් පුද්ගලයින් 20 දෙනෙකු අත්අඩංගුවට ගැනීමට සිටින බවත් ඔවුන්ට විරුද්ධව ස්ත්‍රී දුෂණ චෝදනා ගොනු කරන බවත් අජිත් රෝහණ මහතා පැවසීය.
ශ්‍රී ලංකා නීතියට අනුව වයස අවුරුදු 16ට අඩු අය සමග ලිංගිකව හැසිරීම වරදක් බවයි පොලිස් මාධ්‍ය ප්‍රකාශක වරයා වැඩිදුරටත් සඳහන් කර සිටියේ.