මැදවච්චිය පොලිස්බල ප්‍රදේශයේ, අංක 57 තුලාන, කොඩිය බැන්දවැව ගම්මානයේ ගෙවත්තක තිබී පසුගියදා (01) සවස අත් බෝම්බයක් හමු වී ඇත.
කොඩියබැන්දවැව පදිංචි නාමලි දිසානායක යන අයගේ ගෙවත්තේ තිබී මෙම අත් බෝම්බය හමු වූ බවත් ඔවුන් මීට දින කිහිපයක සිට පවතින වර්ෂා කාලය හේතුවෙන් ගොඩ බෝග වගා කිරීමේ අරමුණින් මෙම භූමිය එළි පෙහෙළි කළ බවත් එසේ සිදු කරමින් බිම සකසන අවස්ථාවේ අඩක් පසට යට වූ මෙම අත් බෝම්බය දුටු බව ගේ හිමියන් අපට පැවැසීය.
අනතුරුව මේ පළිබඳ ගේ හිමියන් විසින් මැදවච්චිය පොලිසිය දැණුවත් කර ඇත. ඒ අනුව එම ස්ථානයට පැමිණි මැදවච්චිය පොලිසිය විසින් මූලික විමර්ෂණ සිදු කර ඇත.
මෙම ප්‍රදේශයට මෙවැනි අත් බෝම්බයක් රැගෙන ආවේ කවුරුන්ද යන්න පිළිබඳ ඉදිරි පොලිස් විමර්ෂන සිදු කිරීමට නියමිතය.
ඡායා රූප ඊ මේල් කර ඇත.
මැදවච්චය – සජිත් ගයාන් උබේපාල