ජනාධිපති මෛත්‍රීපාල සිරිසේන මහතාගේ වත්මන් ක්‍රියා කලාපය සැලකිල්ලට ගනිමින් ඉදිරි අයවැයේදී ඒ මහතාගේ වැය ශීර්ෂය පරාජය කිරීමට කටයුතු කරන බව එක්සත් ජාතික පක්ෂ පාර්ලිමේන්තු මන්ත්‍රී තුෂාර ඉඳුනිල් මහතා පවසනවා.
කෙසේ වෙතත් අදාළ තීරණය සම්බන්ධයෙන් පක්ෂයක් ලෙස මෙතෙක් තීරණයක් ගෙන නොමැති බවයි පාර්ලිමේන්තු මන්ත්‍රී කාවින්ද ජයවර්ධන මහතා ප්‍රකාශ කළේ.
ඊයේ කොළඹ පැවැති මාධ්‍ය හමුවකදී එක්සත් ජාතික පක්ෂ පාර්ලිමේන්තු මන්ත්‍රී මුජිබර් රහුමාන් මහතා කියා සිටියේ ජනාධිපතිවරයාගේ වැය ශීර්ෂය පරාජය කිරීමට තම පක්ෂයේ පසුපෙළ මන්ත්‍රීවරුන් තීරණයක් ගෙන ඇති බවයි.
කෙසේ වෙතත් කොළඹ පැවැති තවත් උත්සවයකට එක්වීමෙන් අනතුරුව මාධ්‍යවේදීන් කළ විමසීමකදී කැබිනට් නොවන අමාත්‍ය හර්ෂ ද සිල්වා මහතා කියා සිටියේ ජනාධිපතිවරයාගේ වැය ශීර්ෂයට එරෙහිව ඡන්දය ලබාදීමට කිසිදු අපේක්ෂාවක් නොමැති බවයි.