පක්ෂයේ සභාපතිත්වය පිළිගන්නා ලෙස හෝ පක්ෂය එක්සත් කිරීමේ වැඩසටහනකට සහාය දෙන ලෙස ශ්‍රී ලංකා නිදහස් පක්ෂ සංවිධායකයන් පිරිසක් විසින් හිටපු ජනාධිපති මෛත්‍රීපාල සිරිසේනගෙන් ඉල්ලා තිබෙන බව දේශපාලන ආරංචි මාර්ග වාර්තා කරයි.
යෝජිත වැඩසටහනට සහාය දෙන අතරම, පක්ෂයේ සභාපතිත්වය පිළිගැනීමට අකමැති නම් පිළිගැනීමෙන් වැළකී සිටින ලෙස ද ඔවුන් ඉල්ලා තිබේ.
මීට අමතරව, ශ්‍රී ලංකා නිදහස් පක්ෂයට අනුබද්ධ සංවිධානයක් වන “අපි ශ්‍රී ලංකා”ද පක්ෂය සමගිය කරා මෙහෙයවීම සඳහා සිරිසේනගේ මැදිහත්වීම ඉල්ලා තිබෙන අතර කෙසේවෙතත්, හිටපු ජනාධිපති මෛත්‍රීපාල සිරිසේන මෙම ඉල්ලීමට සෘජුවම ප්‍රතිචාර දක්වා නොමැති බවත්, ඉදිරි පළාත් පාලන මැතිවරණයෙන් පසු මෙම කාරණය පිළිබඳ සළකා බලන බවත් ප්‍රකාශ කර ඇති බව වැඩිදුරටත් වාර්තා වේ.