එල්.ටී.ටී.ඊ සංවිධානයේ ජිවිතක්ෂයට පත්වූ එහි සාමාජිකයින් සැමරීමේ මහවිරු දිනය වෙනුවෙන් කිලිනොච්චිය, කනගපුරම් ප්‍රදේශයේ පවතින මහවිරු සොහොන පිරිසිදු කිරීම ප්‍රදේශවාසීන් විසින් ඊයේ (30) සිදුකරනු ලැබීය.
මහවිරු සැමරුම් වැඩසටහන් නොවැම්බර් මාසය කේන්ද්‍ර කරගනිමින් පවත්වන අතර,මෙවර දෙමළ ජාතික සන්ධානය පවත්වන මහවිරු සැමරුම් වැඩසටහන කිලිනොච්චිය කනගපුරම් මහවිරු සොහොන ප්‍රදේශයේ පැවැත්වීමට නියමිත බව උතුරු පළාත් සභා නියෝජිතයින් පැවසූහ.
ශ්‍රමදානයක් මගින් මෙය සිදුකළ අතර එම අවස්ථාවට දෙමළ ජාතික සන්ධානය නියෝජනය කරන උතුරු පළාත් සභා හිටපු අමාත්‍ය ටී. කුරුකුලරාජා මහතා,උතුරු පළාත් සභා මන්ත්‍රී එස්.පසුපතිපිල්ලේ මහතා,කිලිනොච්චිය පච්චිලිපලෙයි ප්‍රාදේශීය සභා සභාපති එස්.සුරෙන් මහතා ඇතුළු පිරිසක් සහභාගි වී සිටියහ.
පසුගිය වසරේදීද කිලිනොච්චිය කනගපුරම් කනත්ත කේන්ද්‍ර කරගනිමින් මහවිරු සැමරුම් වැඩසටහනක් පවත්වනු ලැබීණ.
සටහන සහ ඡායා – මාධව කුලසූරිය – වවුනියාව
