කරාපිටිය ශික්ෂණ රෝහලේ මෘත ශරීරාගාරයේ තබා ඇති කොවිඩ් ආදිත මළ සිරුර එම ස්ථානයෙන් ඉවත්කර ගන්නා තුරු පශ්චාත් මරණ පරීක්ෂණ කටයුතු වලින් ඉවත්ව සිටීමට තීරණය කර තිබෙනවා.
ගාල්ල කරාපිටිය ශික්ෂණ රෝහලේ අධිකරණ වෛද්‍ය ඒකකයේ වෛද්‍යවරු සහ රුහුණ විශ්වවිද්‍යාල අධිකරණ වෛද්‍ය ඒකකයේ වෛද්‍යවරු මේ බව සඳහන් කරනවා.
එබැවින් අද (23) සිට කරාපිටිය ශික්ෂණ රෝහලේ, මෘත දේහ සඳහා පශ්චාත් මරණ පරීක්ෂණ සිදුකෙරෙන්නේ නැහැ.
මේ අනුව අධිකරණ වෛද්‍යවරුන් විසින් දෛනිකව සිදුකරන, රිය අනතුරුවලින් තුවාල ලබන රෝගීන් පරීක්ෂා කිරීම හා විවිධ අතවරයන්ට පත්වන පුද්ගලයන්ට හා බීමත් රියදුරන් සම්බන්ධයෙන් වාර්තා නිකුත් කිරීම සිදු නොවේ.
මේ අතර ඊයේ (22) කරන ලද PCR පරීක්ෂණයේ දී ද මෘත ශරීරයේ වෛරසය සක්‍රිය බව හඳුනාගෙන තිබෙනවා.