කළුතර දිස්ත්‍රික්කයේ මුළු කොරෝනා ආසාදිතයන් ගණන 277ක් ලෙස දැනට වාර්තා වී ඇති අතර ඔවුන් ප්‍රතිකාර සඳහා රෝහල්ගත කර ඇත.
එම පිරිස වළල්ලාවිට 16ක්. මතුගම 50 ක්, බණ්ඩාරගම 40, අගලවත්ත 16ක්, වාද්දුව 23, පානදුර 19, හොරණ 21, පාලින්ද නුවර 8, මිල්ලනිය 7, මදුරාවල 5 හා දොඩම්ගොඩ 1 හා කළුතර බේරුවල 66 ලෙස හමු වී ඇති බව කළුතර දිස්ත්‍රික් පරිපාලන මහජන සෞඛ්‍ය පරීක්ෂක සමන් ගීගනගේ මහතා පැවැසීය.
අගලවත්ත කොට්ඨාසයේ පවුල් අසූවක පුද්ගලයන් 300 කට ආසන්න පිරිසක් මේ වනවිට ස්වයං නිරෝධානයට ලක් කර ඇත.
තවද අගලවත්ත කොට්ඨාශයේ පොලිස් විශේෂ කාර්ය බළකායේ නිළධාරියකු හා කොළඹ නැව් තටාකාංගනයේ සේවකයෙකු ද කොරෝනා ආසාදනය වී ප්‍රතිකාර සඳහා යොමු කර තිබේ.
බණ්ඩාරගම සෞඛ්‍ය වෛද්‍ය නිලධාරී බල ප්‍රදේශයෙන් වාර්තා වූ ආසාදිත සිසුවියක් මෙවර උසස් පෙළ විභාගයට පෙනී සිටින අතර ඇය අයි ඩී එච් රෝහලේ විශේෂ විභාග මධ්‍යස්ථානය කරා යොමු කිරීමට පියවර ගත් බව බණ්ඩාරගම සෞඛ්‍ය වෛද්‍ය නිලධාරි කාර්යාලයේ ප්‍රකාශකයෙක් පැවැසීය.