ශ්‍රී ලංකා බාලදක්ෂ කවුන්සිලයේ කමිටු සාමාජිකයන් සහ යාවචීව සාමාජිකයන් පිරිසක් බාලදක්ෂ කවුන්සිලයේ මුල් පුටුවට නීතිඥ ජනප්‍රිත් ෆර්නෑන්ඩෝ පත් කිරීමට එරෙහිව ශ්‍රේෂ්ඨාදිකරණයේදී ගොනු කරන ලද මූලික අයිතිවාසිකම් පෙත්සම සැප්තැම්බර් මස 30 වන දින කැදවිනි.
මෙහිදී ප්‍රශ්නගත ගැටලුව වී ඇත්තේ බාලදක්ෂ කවුන්සිලයේ සබාපති කමිටු සබාපති ඇතුලු නීත්‍යානුකූලව බලය ඇති අයවලුන් විසින් යෝජනා කරන ලද ප්‍රදාන කොමසාරිස්වරයා වෙනුවට ජනප්‍රිත් ප්‍රනාන්දු මහතාව ජනාධිපතිතුමන් විසින් පත් කිරීමයි.
පෙත්සම්කරුවන් විසින් මෙම පත් කිරීමට එරෙහිව ශ්‍රේෂ්ඨාධිකරණයට ගොනු කරන ලද පෙත්සමට සීමිත විරෝධතා ගොනු කිරීමට දින ලබා දුන් අතර නඩුව යලි ඔක්තොම්බර් 22 දා කැදවීමට නියමිතව ඇත. මෙහිදී කැපී පෙනෙන ලක්ෂණයක් වූයේ පෙත්සම්කරුවන්ගේ ඉල්ලීමට බාලදක්ෂ කවුන්සිලය, කවුන්සිලයේ සභාපති ,ලේකම් මෙන්ම බාලදක්ෂ කමිටු සභාපතිවරයා යන අයවලුන් වෙනුවෙන් පෙනී සිටි සියලු නීතිඥවරුන් විරුද්ධ වන බවක් නොපෙන්වීමයි. ඔවුන්ගේ අදහසද වූයේ නීතියට අනුව බාලදක්ෂ කවුන්සිලය මගින් යෝජනා කරන ලද කොමසාරිස්වරයකු පත් කිරීම ජනාධිපතිතුමන් විසින් කල යුත්තක් බවයි.
කෙසේවෙතත් මෙම නඩුව ඇසීමට නියමිතව තිබියදීත් අද (ඔක්තොම්බර් 1) දින ජනප්‍රිත් ප්‍රනාන්දු මහතා ප්‍රධාන කොමසාරිස්වරයා ලෙස දිවුරුම් දී ඇති බව වාර්තා වී ඇත.
පෙත්සම්කරුවන් වෙනුවෙන් නීතිඥ අස්තික දේවේන්ද්‍ර මහතා ද වගඋත්තරකරුවන් වෙනුවෙන් ජනාධිපති නීතිඥ ෆයිස් මුස්තාෆා මහතා, නීතිඥ තිශ්‍ය වේරගොඩ, පුලස්ති රූපසිංහ, ප්‍රතාප් වැලිකුඹුර,තමිලා පෙරේරා, මනෝජ් නානායක්කාර,උපුල් කුමාරප්පෙරුම යන අය පෙනී සිටි අතර ජනාධිපති නීතිඥ චන්දක ජයසුන්දර මහතා ජනප්‍රිත් ප්‍රනාන්දු මගතා වෙනුවෙන් පෙනී සිටියහ.
මෙම නඩුව ගොනු කරන ලද්දේ බාලදක්ෂ සංගමයේ සාමාජිකයන් වන ඩේමියන් සිල්වා, නීතිඥ ජිමී මාරඹේ, සරත් ගොඩකන්දාරච්චි, සරත් බණ්ඩාර , සුමනදාස ජයසිංහ , එස් ඒ අමරසිංහ, උදය ඉද්දවෙල, වසන්ත උදයකුමාර බණ්ඩාර ,චාමික නිශාන්, ගොඩ්වින් බැසිල් ඔකර්ස් සහ ආරියරත්න ගමගේ යන අය විසිනි.
වගඋත්තරකරුවන් වශයෙන් ශ්‍රී ලංකා බාලදක්ෂ කවුන්සිලය, එහි සබාපති මෙරිල් ගුණතිලක ,ලේකම් කමලනාත් ජිනදාස, බාලදක්ෂ කමිටු සභාපති නීතිඥ කපිල කල්‍යාන පෙරේරා, මිලින්ද පීරිස්, ජනප්‍රිත් ප්‍රනාන්දු, ජනාධිපති ලේකම් පී බී ජයසුන්දර සහ නීතිපතිවරයා නම් කර ඇත.