Colombo Today Local Newsfeatured

“ඉස්ලාම් ආගම පිළිකාවක්. ලංකාව ලේ විලක් කිරීමේ තර්ජනයක් තිබෙනවා.” 2016 දී ඥානසාර හිමිගේ ප්‍රකාශයට එරෙහි පැමිණිල්ල ගොනු කිරීමට නියෝග

2016 ජුලි 8 හෝ ඊට ආසන්න දිනකදී පූජ්‍ය ගලගොඩඅත්තේ ඥානසාර හිමි විසින් “ඉස්ලාම් ආගම පිළිකාවක්. එය අතුගා දැමිය යුතු බවත්, ඉස්ලාමිය ආගමිකයින් ලන්ඩන් සහ පැරිස් නගරයත් ලේ විලක් ලෙස පත්කිරීමට තර්ජනයක් ඇති බවත් එවැනි තර්ජනයක් ලංකාවටත් ඇති බව අර්ථ කථනය කරමින් ප්‍රකාශ කල බවත්” සඳහන් කරමින් එම නිසා මුස්ලිම් ආගමිකයින්ට බරපතල ලෙස අපහාසාත්මක සහ නින්දාකාරි ලෙස ප්‍රකාශ කළා යැයි චෝදනා කරමින් අංක 17/12 ඒ, කර්ල්ෂු ගාඩ්න්, බොරැල්ල, කොළඹ 08 ලිපිනයේ පදිංචි මොහොමඩ් මෂුඩ් මොහොමඩ් රිකාෂ් නමැති පුද්ගලයෙකු ඉදිරිපත් කල පැමිණිල්ලකට අනුව ගොනු කර ඇති නඩුව අද (17) අලුත්කඩේ මහේස්ත්‍රාත් අධිකරණයේදී කැඳවනු ලැබුවා.

නීතිපති විසින් ලාබාදුන් උපදෙස්වලට අනුව “අපි මේ ඉස්ලාමය නැමති පිළිකාව අතුගා දාන්ඩ” යැයි පැවසීමෙන් දණ්ඩ නීති සංග්‍රහයේ 291(ආ) වගනිතිය යටතේ දඬුවම් ලැබිය යුතු වරදක් සිදුකල බවට චෝදනා කෙටුම්පත් කර ඇත.

පුජ්‍ය ගලගොඩඅත්තේ ඥානසාර හිමි වෙනුවෙන් කරුණු දැක්වූ නීතිඥ සංජය ආරියදාස මහතා 2016 වසරේදී පුජ්‍ය ගලගොඩඅත්තේ ඥානසාර හිමි සිදුකල ප්‍රකාශයේ කරුණු පසුගිය වසරේ පාස්කු ප්‍රහාරය හේතුවෙන් සත්‍ය වූ බව පැවසීය.

එහිදී මීළඟ නඩු දිනයට පැමිණිල්ල ගොනුකරන ලෙසට කොළඹ අපරාධ කොට්ඨාශයට නියෝග කර සිටි මහේස්ත්‍රාත් වරයා නඩුව නොවැම්බර් 16 වනදා දක්වා කල් තැබීය.

පුජ්‍ය ගලගොඩඅත්තේ ඥානසාර හිමි වෙනුවෙන් නීතිඥ සංජය ආරියදාස, නීතිඥ ඉරේෂ් සෙනවිරත්න සහ නීතිඥ සංජය මාරඹේ යන මහත්වරු පෙනී සිටින ලදි.

Related posts

මැනිං වෙළඳපොළ පෑලියගොඩ රාජ්‍ය ඉංජිනේරු සංස්ථා ගොඩනැගිල්ලට

colombotoday

ලාංකික ධීවරයින් දෙදෙනෙක් ඉන්දීය අත්අඩංගුවට

colombotoday

ආර්ථික හා කෘෂිකාර්මික විෂයයන් ජනපති යටතට !

colombotoday

ජීවිතය පරදුවට තබා කිඹුලෙක් සමග සටන් කර ජීවිතයක් බේරාගත් හාමුදුරුවෝ

colombotoday

පළාත් තුනක මහා නගර සංවර්ධනය ෆොන්සේකාට බාරයි.. 25 ඇමතිකමේ දිවුරයි

colombotoday

අති පුජ්‍ය ගිරාඹේ ආනන්ද නාහිමියෝ අපවත් වෙති.

colombotoday