තබ්ලිගි ජමාත් සාමාජිකයින් සොයා ගැනීමට උදව් ලබාදෙන පුද්ගලයින්ට ඉන්දියාවේ උත්තර් ප්‍රදේශ් පොලිසිය විසින් ත්‍යාග ප්‍රකාශයට පත් කර ඇත.
කොරෝනා වෛරසය ව්‍යාප්තවීම වැලැක්වීම සඳහා ඉන්දීය රජය විසින් පනවා ඇති සමාජ දුරස්ථභාවය සම්බන්ධ නීති කඩ කරමින් ජමාත් සාමාජිකයන් පසුගිය මාසයේ දිල්ලියේ නිසාමුදීන් හි පැවති ආගමික සභාවකට සහභාගී වී සිටියහ.
එම ආගමික සභාවට සහභාගී වූ විවිධ වූ මුස්ලිම් පල්ලි, මද්‍රසා සහ නිවාසවල නැවතී සිටි තබ්ලික් ජමාඅත් සාමාජිකයින් 33 දෙනෙකු උත්තර ප්‍රදේශ් පොලීසිය මේ වන විට නිරෝධායනය කර තිබේ.
“ජමාඅත් සාමාජිකයින් තවමත් සැඟවී සිටිති. ඔවුන් පැමිණ බලධාරීන් ඉදිරියේ පෙනී සිටියහොත් ඔවුන්ට එරෙහිව කිසිදු ක්‍රියාමාර්ගයක් නොගන්නා බව අපි ප්‍රකාශ කර සිටිමු.” පොලිස් අධිකාරී ත්‍රිවනී සිං පැවසීය.
“නමුත්, ඔවුන් පිළිබඳ තොරතුරු වෙනත් මූලාශ්‍රයක් හරහා අප වෙත ලැබෙන්නේ නම්, ඔවුන්ට එරෙහිව දැඩි ක්‍රියාමාර්ග ගනු ඇත” යනුවෙන් එම නිලධාරියා වැඩිදුරටත් පැවසීය.
තබ්ලිගි ජමාඅත් සාමාජිකයින් පිළිබඳව පොලිසියට දැනුම් දෙන අයට රුපියල් 5,000 ක මුදල් ත්‍යාගයක් ලබා දෙන බවත් ඔවුන්ගේ අනන්‍යතාවය රහසක් ලෙස තබා ගන්නා බවත් සිං පැවසීය.