තංගල්ල බන්ධනාගාරයේ රඳවා සිටින නදුන් චින්තක නොහොත් ‘හරක් කටා’ට පුවත්පත් ලබා දීමට පියවර ගන්නා ලෙස කොළඹ මහාධිකරණය ඊයේ නියෝග කරන ලදී.
හරක් කටාට එරෙහි නඩුව කොළඹ මහාධිකරණ විනිසුරු සුජීව නිශ්ශංක ඉදිරියේ කැඳවූ අවස්ථාවේදී, විත්තිකරු වෙනුවෙන් පෙනීසිටි නීතිඥ සංජිය ආරියදාස ප්‍රකාශ කළේ, පෙර අධිකරණ නියෝගයක් තිබියදීත්, පුවත්පත් ලබාදීමේ නියෝගය ක්‍රියාත්මක කිරීමට නිලධාරීන් අපොහොසත් වී ඇති බවයි.
එම අවස්ථාවේදී, නීතිපතිවරයා වෙනුවෙන් පෙනීසිටි රජයේ නීතිඥවරයා අධිකරණයට දැනුම්දුන්නේ, දිනපතා පුවත්පත් ලබාදීමේදී යම් දුෂ්කරතාවයක් ඇති වූ නමුත්, පුවත්පත් ලබාගත හැකි බව සහතික කිරීමට පියවර ගන්නා බවට එකඟ වූ බවයි.