ඊශ්‍රායලය සහ හමාස් සංවිධානය රොකට් වෙඩි පහර එල්ලකරමින් අලුත් අවුරුද්ද සමරා ඇති බව විදෙස් මාධ්‍ය වාර්තා කර සිටියි.
දිනකට පෙර ගාසා තීරයෙන් රොකට් ප්‍රහාර එල්ල කිරීමෙන් පසුව, ඊශ්‍රායල හමුදාව ඉරිදා අලුයම හමාස් ත්‍රස්ත ඉලක්ක වෙත ප්‍රහාර දියත් කළේය.
දකුණු ගාසා තීරයේ ඛාන් යුනිස් හි රූගත කරන ලද වීඩියෝවක දැවැන්ත පිපිරුම් තුනක් දැකගත හැකි අතර ප්‍රහාරක ජෙට් යානාවල ශබ්ද ඇසෙන්නට විය.
තුවාල ලැබූවන් පිළිබඳව ක්ෂණික තහවුරු කිරීමක් ලබා දී නොමැත.
ඊශ්‍රායල හමුදාවට අනුව, මෙම ප්‍රහාරවලින් බලාපොරොත්තු වූයේ රොකට් නිෂ්පාදන මධ්‍යස්ථානයක් සහ හමාස් හමුදා මුරපොළක් විනාශ කිරීමටයි.
සෙනසුරාදා ගාසා තීරයේ සිට රොකට් ප්‍රහාර දෙකක් එල්ල කිරීමෙන් පසු ප්‍රතිප්‍රහාර වශයෙන් මෙම ගුවන් ප්‍රහාර එල්ල කර ඇත.
ගාසා තීරයේ සටන්කාමී කණ්ඩායම් බොහෝ විට මුහුද දෙසට මිසයිල අත්හදා බැලීම් කරන බැවින්, රොකට් ඊශ්‍රායලයට පහර දීමට බලාපොරොත්තු වූවාද නැද්ද යන්න අපැහැදිලි විය හැකිය.
සෙනසුරාදා රොකට් ප්‍රහාරයෙන් කිසිදු ජීවිත හානියක් හෝ දේපල හානියක් සිදු වූ බවට මෙතෙක් වාර්තා වී නොමැත.
ගාසා තීරයේ ආරක්ෂක වැට අසලදී පලස්තීන සටන්කාමීන් ඊශ්‍රායල සිවිල් වැසියෙකුට වෙඩි තබා තුවාල සිදුකර තිබේ. පසුව, ඊශ්‍රායලය හමාස් ප්‍රදේශ කිහිපයක් ඉලක්ක කර ගනිමින් යුද ටැංකි ප්‍රහාරයකින් පිළිතුරු ලබා දුන්නේය.