මින් පසු ගූගල් බැලූන් ශ්‍රී ලංකාවේදී ගුවන්ගත නොකරන බව, විදුලි සංදේශ හා ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතා පවසයි.
ඊයේ සීගිරිය යොවුන් පුරයේදී සැලසුම්කළ පරිදි ගූගල් බැලූනය ගුවන්ගත කිරීමට නොහැකි වීම ගැන අදහස් දක්වමින් අමාත්‍යවරයා මේ බව පැවසීය.
මේවැනි බැලුන් ගුවන්ගත කිරීමට මෙරට පහසුකම් නැති බවත්, බැලූනය හිල්වීම ගැන හිනාවනවාට වඩා ලෝකයේ වැඩිම මුදලක් ආයෝජනය කර ඇති ගූගල් ලූන් ව්‍යාපෘතිය මුලින්ම මෙරටට ලැබීම ගැන සතුටු වන ලෙසද අමාත්‍යවරයා එහිදී ඉල්ලා සිටියා.
සීගිරියේ පැවැත්වෙන යොවුන්පුර වැඩසටහනේදී ඊයේ දිනයේදී ගූගල් බැලූනයක් ගුවන්ගත කිරීමට නියමිතව තිබුණද යකඩ බටයක් වැදීමෙන් එම බැලූන්යට හානි සිදුවීම නිසා ගුවන්ගත කිරීමට නොහැකි වී තිබෙනවා.