බොදු බල සේනා සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමිට ආරක්ෂාව ලබා දෙන ලෙස පාස්කු ප්‍රහාරය පිළිබඳව සොයා බලන ජනාධිපති කොමිෂන් සභාව විසින් වින්දිතයන් හා සාක්ෂිකරුවන් ආරක්ෂා කිරීමේ අධිකාරියට ඊයේ (19) දින නියෝගයක් නිකුත් කළා.
පාස්කු ප්‍රහාරය පිළිබඳව ලබා දුන් සාක්ෂිය හේතුවෙන් ඥානසාර හිමියන්ගේ ජිවිතයට තර්ජනයක් එල්ලවෙතැයි කොමිෂන් සභාවට හැඟී යන හෙයින් මෙම නියෝගය නිකුත් කරන බවයි උන්වහන්සේ දින තුනක් තිස්සේ ලබා දුන් දීර්ග සාක්ෂිය අවසන් කරමින් කොමිෂන් සභාවේ සභාපති විනිසුරුවරයා දැන්වුවේ.