Colombo Today Local News

කංසා තහනම ඉක්මනින් ඉවත් කලයුතුයි! දේශීය වෛද්‍ය සංගමය දැඩිව කියයි.

දැනට තහනම් කල ඇති කංසා තහනම වහාම ඉවත් කලයුතු බව සමස්ත ලංකා දේශීය වෛද්‍ය සංගමය පවසනවා. ඔවුන් එසේ පැවැසුවේ 2021/01/03 දින කොළඔ 05 සම්බුද්ධත්ජයන්ති මන්දිරයේ පැවැති මාධ්‍ය හමුවකදීයි .

ඵලදායී ලෙස කංසා භාවිතා කිරීමේ වැදගත්කම යන මාතෘකාව යටතේ එම මාධ්‍ය හමුව කැදවා තිබුණු අතර මාධ්‍ය හමුවට සහභාගී වූ සමස්ත ලංකා දේශීය වෛද්‍ය සංගමයේ උපදේශක හා ආයුරුවේද වෛද්‍ය සභාවේ හිටපු ලේඛධිකාරී වෛද්‍ය ඩැනිස්ටර් එල් පෙරේරා මහතා ප්‍රකාශ කරන්නේ බටහිර රටවල් බොහොමයක් කංසාවල ඇති වැදගත්කම හදුනාගෙන කංසා වැවීම ආරම්භ කර ඇති අවස්ථාවක අපේ රටේ තවම කංසා වැවීම නීතිගත නොවීම හාස්‍යයට කාරණයක් බවයි. එක්සත් ජාතීන්ගේ සංවිධානය පවා මේවන විට කංසා වැවීම සදහා නිර්දේශ ලබා දීමට සූදානමින් සිටින බව ඔහු වැඩිදුරටත් ප්‍රකාශ කළා.

දේශීය ඔසු නිෂ්පාදනය සදහා කංසා ලබා ගැනීමට නොහැකිවීම නිසා දේශිය ආයුරුවේද වෛද්‍යවරුන් අපහසුතාවයට පත්වී සිටින බවද පැවසූූ වෛද්‍යවරයා කංසා මත්ද්‍රව්‍යයක් නම් ඔප්පුකොට පෙන්වන ලෙසටද අභියෝග කර සිටියා.

අහාර රුචිය වැඩි කිරීම සදහා සහ ශරීර ප්‍රතිශක්තිකරණයන වැඩි කිරීම සදහා වන දේශීය ඔසු සදහා කංසා භාවිතා කල හැකි බවද මෙහිදී අනාවරණය විය.

අතීතයේ පැනවූ නීතියක් අනුව තවමත් මෙරට කංසා වැවීම තහනම් කර ඇති නිසා කංසා තහනම ඉවත් කර ගැනීම සදහා ඔවුන් ශ්‍රේෂ්ඨාධිකරණයේ නඩු පැවැරූ බවද එම සංගමය වැඩිදුරටත් සදහන්කර සිටියා.

මාධ්‍ය හමුවේදී සමස්ත ලංකා දේශීය වෛද්‍ය සංගමයේ සංවිධායක වෛද්‍ය වොෂින්ටන් නානායක්කාර මහතා සහ සමස්ත ලංකා දේශීය වෛද්‍ය සංගමයේ සභාපති වෛද්‍ය උපුල් දෑල බණ්ඩාර මහතාද අදහස් දක්වන ලදි.

Related posts

ජනපති, අගමැති අතර සීතල යුද්ධයක්.. ඇමතිවරු ගහගන්නවා.. මෙහෙම ආණ්ඩුවක් කරන්න බෑ

colombotoday

අනාගතයේ සිදුවන ව්‍යසනයන්ට වගකිව නොහැකි – වෛද්‍ය ආනන්ද විජේවික්‍රම කොවිඩ් කමිටුවෙන් ඉවත්ව යයි

colombotoday

පාකිස්තානූ තානාපති කාර්යාලයට සම්බන්ද තිදෙනෙක් මාතරදී පොලීසියට තග දමති.

colombotoday

ඇතා පහර දෙයි.. බරපතල තුවාල ලබා බෙල්ලන්විල නාහිමියෝ රෝහල්ගත කරති

colombotoday

මාධ්‍ය නිදහස දර්ශකයේ ලංකාවට හිමි අලුත්ම තැන මෙන්න

colombotoday

අගමැතිට එරෙහි විශ්වාස භංගය කථානායකට භාර දෙයි

colombotoday