එක්සත් ජාතික පක්ෂ ජාතික ලයිස්තු පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතාගේ පත්වීම සහ එම ධූරයේ කටයුතු කිරීම නීති විරෝධී බව පවසමින් විකල්ප ප්‍රතිපත්ති කේන්ද්‍රෙය් අධ්‍යක්ෂ පාක්‍ය සෝති සරවණමුත්තු ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොණු කළේය.
එක්සත් ජාතික පක්ෂ මහ ලේකම් කබීර් හෂීම්, පාර්ලිමේන්තු මන්ත්‍රී සරත් ෆොන්සේකා,කතානායක,මැතිවරණ කොමිසමේ සභාපති, පාර්ලිමේන්තු මහලේකම්,නීතිපති ඇතුළු අට දෙනෙකු මෙහි වගඋත්තරකරුවන් ලෙස නම් කර ඇති අතර ෆොන්සේකා මහතා මන්ත්‍රී ධූරයේ කටයුතු කිරීම වළකාලමින් අතුරු තහනම් නියෝගයක් නිකුත් කරන්නැයි පෙත්සම්කරු ඉල්ලා තිබේ.
පාර්ලිමේන්තු මැතිවරණයේදී එක්සත් ජාතික පක්ෂ ජාතික ලැයිස්තු යෝජනා නාමාවලියේ නොසිටි සරත් ෆොන්සේකා පත් කිරීමෙන් ජනතා පරමාධිපත්‍යය උල්ලංඝනය වීමක් හා ආණ්ඩුක්‍රම ව්‍යවස්ථා වේ 19 අ වගන්තීන් උල්ලංඝනය වීමක් සිදුවී ඇති බවද පෙත්සම්කරු කියා සිටී.