කේරළයේ අයේෂා මර්සරස් ඉස්ලාම් දහම අත්හැර අදේවවාදියෙකු බවට පත්ව ඇත.
ඇය මාධ්‍ය වෙත අදහස් දක්වමින්, තමන්ට ඉස්ලාමය ගැන ප්‍රශ්න ඇති වූ බවත් , ඒ නිසා මීට වසර කිහිපයකට පෙර මුහම්මද් නබිතුමාගේ චරිතාපදානය කියවූ බවත් පවසයි.
“මේ පොත කියවගෙන යනකොට මගේ අදහස ස්ථිර වුණා. වහල්භාවය සහ කාන්තාවන් ගැන එම පොතේ ලියා ඇති දේ මානව හිමිකම් පවා උල්ලංඝනය වනවා. එබැවින්, 2021 දෙසැම්බර් මාසයේදී ඉස්ලාමය හැර යාමට මම තීරණය කළෙමි” යනුවෙන් අයේෂා මාධ්‍ය වෙත පවසා ඇත.
අයේෂා මෙන්ම ඉස්ලාම් ආගම අතහැර ගිය කේරළ මිනිස්සුත් විශාල ප්‍රමාණයක් සිටින නමුත් ආගමෙන් අයින් වෙන පුද්ගලයන්ට මුස්ලිම් ජනතාව විසින් ඉතාමත් නරක ලෙස සැලකීම හේතුවෙන් ඔවුන් නිහඬ පිළිවෙතක් අනුගමනය කරති.
මේ අතර “කේරලයේ හිටපු මුස්ලිම්” (Ex-Muslims of Kerala) නැමති සංවිධානයක් මේ වනවිට ආරම්භ කර ඇත.
මෙම සංවිධානයේ ප්‍රධානියා වන අරිෆ් හුසේන් පවසන්නේ “පසුගිය වසරක කාලය තුළ වාර්තාගත ලෙස 300 දෙනෙකු කේරළයේ ඉස්ලාම් ආගම හැර ගොස් තිබෙනවා. සංඛ්‍යාලේඛනවලට අමතරව, ඉස්ලාමය හැර ගිය පුද්ගලයින් 2000 ක් පමණ අප සමඟ සම්බන්ධ වී සිටිනවා. අප හා සම්බන්ධ වීමට නොහැකි වූ බොහෝ අය ද සිටිනු ඇත.”
වෛද්‍ය අරිෆ් වැඩිදුරටත් පැවසුවේ, “මිනිසුන් තම අනන්‍යතාවය සඟවාගෙන සිටින්නේ එවැනි පුද්ගලයින් කෆීර්වරුන් (අදේවවාදීන්) සහ දුරාචාරකයන් ලෙස සමාජය ප්‍රකාශ කරන නිසා බවයි. ඒ විතරක් නෙවෙයි ඒ පුද්ගලයා කොන් කරනවා. ඔහුගේ දේපළ ඇතුළු සියලු ආකාරයේ අයිතිවාසිකම් ඔහුගෙන් උදුරා ගන්නවා. කායික, සමාජීය සහ මානසික වශයෙන් සෑම අතින්ම හිරිහැරයට ලක් වේ. සෑම ආගමක්ම අදේවවාදීන්ට වෙනස් කොට සැලකුවද, මේ කාරණයේදී ඉස්ලාම් අන්තවාදීන්, ඉස්ලාමය හැර යන මිනිසුන්ට ඉතා නරක ලෙස සලකනවා.”
රට පුරා දහස් ගණනක් මිනිසුන් ඉස්ලාමය හැර ගිය නමුත් බිය නිසා විවෘතව කතා නොකරයි. මුහම්මද් නබි තුමාගේ ජීවිතය යමෙකු හොඳින් කියවා බැලුවහොත් චරිතය පිළිබඳව ප්‍රශ්න පැනනගින බව අරිෆ් වැඩිදුරටත් පවසයි.
මෙම සංවිධානය ප්‍රථම වරට 2020 වසරේදී කේරළ ප්‍රාන්තයේ කරලියට පැමිණ ඇති නමුත් වසර 10කට ආසන්න කාලයක් එහි වැඩකටයුතු සිදුවෙමින් පවතින බව එම සංවිධානයේ සභාපතිවරයා ප්‍රකාශ කරයි.
මෙම සංවිධානය ‘ඉන්දියාවේ හිටපු මුස්ලිම්වරු’ නමින් ද මුළු ඉන්දියාවේම ක්‍රියාත්මක වේ. මෙම සංවිධානය දැන් රහසිගතව ක්‍රියා කරන නමුත් නුදුරේදීම කේරලයේ මෙන් මෙම සංවිධානය ඉන්දියාව පුරා අනන්‍යතාවයෙන් කරලියට ගෙන එනු ඇත. දැනට සංවිධානය තමිල්නාඩුවේ ලියාපදිංචි කිරීමේ කටයුතු කඩිනමින් අවසන් කිරීමට නියමිතයි. කේරලයේ ඉස්ලාම් දහම අතහැර ගිය ජනතාව වෙනුවෙන් ‘Ex-muslims of Kerala’ නමින් සංවිධානයක් පිහිටුවා ඇති බව දන්වමු. එහි අරමුණ ඉස්ලාම් ආගම හැර ගිය අයට උපකාර සහ සහයෝගය ලබා දීමයි.
newstracklive වෙබ් අඩවිය ඇසුරෙනි