අගවිනිසුරුවරයා පත් කිරීමේදී එජාප නායකයින්ගේද අදහස් හා යෝජනා සැලකිල්ලට ගෙන නලින් පෙරේරා පත්කර ඇති බව ශ්‍රී ලංකා මිරර් වෙබ් අඩවිය වාර්තා කර ඇත.
අධිකරණ සේවා ඉතිහාසය තුළ ජ්‍යෙෂ්ඨත්වය මත අගවිනිසුරුවරයකුගේ නම යෝජනා කල ද ඒ සම්බන්ධයෙන් ආණ්ඩුවේ මාධ්‍යවලින් එතරම් ප්‍රචාරයක් ලබා දීම අතපසුවීම පිළිබඳව ජනාධිපතිවරයා දොස් නගා ඇති බව එම වෙබ් අඩවිය වැඩිදුරටත් වාර්තා කර සිටයි.
නලින් පෙරේරා අගවිනිසුරුවරයා වසර 38 මාස 11ක කාලයක් අධිකරණ සේවාව තුළ සේවය කළ පුද්ගලයකු උවත් ඔහුව පත්කිරීම සඳහා දේශීයත්වයට හා සංස්කෘතියට පහර දෙන රාජ්‍ය නොවන සංවිධාන දැඩි වෙහෙසක් ගත් බව සිවිල් සංවිධාන චෝදනා කර සිටියි.
රටේ අධිකරණ රාජ්‍යයක් බිහි කිරීම සඳහා ආණ්ඩුව ක්‍රියාකරමින් සිටින බවත් ආණ්ඩුව විවේචනය කරන නායකයන්, නීතිපති දෙපාර්තමේන්තුව සහ පොලිසිය විසින් බොරු චෝදනා ගොනු කර සිරගෙවල්වල ගාල් කිරීමට කටයුතු කරන බව බොදු බල සේනා සංවිධානය චෝදනා කර සිටියි.
පුජ්‍ය ගලගොඩඅත්තේ ඥානසාර හිමිට ලබා දුන් වසර 19ක බරපතල වැඩ සහිත සිර දඬුවමට විරුද්ධව ශ්‍රේෂ්ඨාධිකරණයේ ගොනු කල ඇපෑල ඉවත දැමූ විනුසුරුවන් දෙදෙනාගෙන් නලින් පෙරේරා එක් අයෙකි.