Colombo Today Local News

මිනිස්සු ගොනාට අන්දන චීවරධාරියා පොහොරවලට දෙන උපදෙස්වලට රැවටෙන්න එපා. – දඹගොල්ලේ සෝමානන්ද හිමි ජනපතිට කියයි.

මිනිස්සු ගොනාට අන්දන චීවරධාරියා පොහොරවලට දෙන උපදෙස්වලට රැවටෙන්නේ නැතුව පොලවේ පයගහලා ඉන්න මිනිසුන්ගෙන් උපදෙස් අරගෙන ක්‍රියා කරන ලෙස ජනාධිපතිවරයාට අවධාරණයෙන් කියා සිටින බව නුවරඑළිය දිස්ත්‍රික් ශාසනාරක්ෂක බල මණ්ඩලයේ ලේඛකාධිකාරී පූජ්‍ය දඹගොල්ලේ සෝමානන්ද හිමි ඊයේ (20) මාධ්‍ය හමුවක් පවත්වා සඳහන් කරන ලදි.

එහිදී අදහස් දැක්වූ ඒ හිමියෝ…

“අතිගරු ජනාධිපතිතුමා වටා සිටින කේවට්ට වූ පණ්ඩිතයෝ ටික දෙන උපදේශ මත, මං හිතන්නේ අපේ ජනාධිපතිතුමා ක්‍රියාත්මක වෙනවා වෙන්න ඕනි. නැත්නම් මේ රටේ බිම්මට්ටමේ බිම ජීවත්වෙන මිනිසුන්ගේ අදහස් අරගෙන විද්‍යාත්මක පදනමකින් කරුණු ඉදිරිපත් කරන කිසිවෙක් නෑ මං හිතන්නේ එතුමන්ට. මේ වන කොට හැමදාම ජනතාව රවට්ටමින් බොරු කරන කේවට්ටයෝ ටිකක් එතුමට උපදෙස් දෙනවා.

විශේෂයෙන්ම චීවරධාරියෙකු ද මේකට සම්බන්ධ වෙලා තියෙන බව අපි බොහොම කණගාටුවෙන් යුක්තව සිහිපත් කරනවා. ඒ චීවරධාරියා හැමදාම කළේ මිනිස්සු ගොනාට අන්දලා බලයට ගිහිල්ලා කිසිවක් නොකොට සුර සැප විඳින එක විතරයි. ඒ නිසා මේ අවස්ථාවේදී මේ අහිංසක ජනතාවගෙන් පෝෂණය වන භික්ෂූන් වහන්සේලා වශයෙන් අපි කතා කරන්නේ මේ අහිංසක ජනතාවගේ සාධාරණයක් කරන්නට. මේ පොහොර ටික කෘෂි රසායන ටික දෙන්න. සාමාන්‍යයෙන් මේ පොළොවේ ජීවත් වන පොළොවෙ පය ගහල ඉන්න මිනිස්සුන්ගෙ අදහස් අරගෙන ජනාධිපතිතුමා ක්‍රියාත්මක වෙනවා නම් හොඳයි කියන කාරණය සිහිපත් කරනවා. මෙන්න මේ කියන වන්දිභට්ට කේවට්ටයන්ගේ බණ වලට රැවටිලා වැඩ කටයුතු කරන්න එපා කියන කාරණය සිහිපත් කරනවා.”

Related posts

රක්කනාව දිය ඇල්ලේ ගිලී 9 හැවිරිදි දැරියක් ජීවිතයෙන් සමුගනී

colombotoday

ත්‍රස්තවාදය වැළැක්වීමේ පනත භාවිතය ගැන බ්‍රිතාන්‍යය මෙරට බලධාරීන්ගෙන් ඉල්ලීමක්

colombotoday

දේශපාලන වියවුල මැද ඩොලරය පිම්මේ නගී… ඉතිහාසයේ වැඩිම අගය අද වාර්තා කරයි…

colombotoday

හකීම්ට එරෙහිව පැමිණිලි කල මිෆ්ලාල් මවුලවි බෙදාහරින ලද අත්පත්‍රිකාවේ අන්තවාදී අදහස් රැසක්

colombotoday

ලංකාව ඉන්දියානු කොළණියක් වෙලා.. රනිල් වගකියන්නේ මෝඩිටද? – ජවිපෙ

colombotoday

කූරගල මුස්ලිම් පල්ලියේ වාර්ෂික දානමය වැඩසටහන නෙල්ලිගල හාමුදුරුවන්ගේ වැඩමවීමෙන් ආරම්භ කෙරේ.

colombotoday