අධ්‍යාපන අමාත්‍ය අකිල විරාජ් කාරියවසම්ගේ මාධ්‍ය ලේකම්වරයෙකු ලෙස හඳුන්වන කල්ප ගයාන් ගුණරතන නැමැත්තා සමාජ මාධ්‍ය මගින් දිගින් දිගටම භික්ෂූන් වහන්සේලාට අපහාස කිරීමේ මෙහෙයුමක නිරත වෙමින් සිටි.
මේ පිළිබඳව සිරිකොත පක්ෂ මුලස්ථානයටද පැමිණිලි ලැබී ඇති අතර මෙවැනි බෞද්ධ විරෝධීන් එජාපයේ ලේකම්වරයා තම පුද්ගලික කාර්යමණ්ඩලයේ තබා ගැනීම හේතුවෙන් පක්ෂයට විශාල හානියක් සිදුවෙන බවයි එජාප ජේෂ්ඨ තනතුරක් දරණ අමාත්‍යවරයෙකු අප සමග සඳහන් කර සිටියේ.
බෞද්ධ විරෝධී ප්‍රතිපත්තියක කටයුතු කරන පක්ෂයක් ලෙස එක්සත් ජාතික පක්ෂයට පසුගිය කාලය පුරාම චෝදනා එල්ලවූ අතර පක්ෂ ලේකම්වරයා ලෙස අමාත්‍ය අකිල විරාජ් කාරියවසම් එම බෞද්ධ විරෝධී ප්‍රතිපත්තිය දිගටම ගෙනයන්නේදැයි මෙවැනි කටයුතු හේතුවෙන් සැක මතුවෙන අතර එය එසේ නොවේනම් පක්ෂයේ අනාගතය පිළිබඳව සලකා මෙවැනි පුද්ගලයන් තම කාර්ය මණ්ඩලයෙන් ඉවත් කිරීමට ඔහු කටයුතු කළ යුතුව ඇත.
