එළඹෙන නොවැම්බරයේ පැවැත්වෙන අයවැය ජන්ද විමසීමේදී ඊට එරෙහිව ජන්දය භාවිත කිරීමට එක්සත් ජාතික පක්ෂයේ මන්ත්‍රීවරුන් පිරිසක් සූදානම් වෙමින් සිටින බව දේශපාලන ආරංචි මාර්ග සඳහන් කරයි. යහපාලනය ගෙන ඒම සඳහා විශාල දායකත්වයක් ලබා දුන් එජාපයේ ප්‍රභලයෙක් මේ සඳහා නායකත්වය ලබා දීමට සුදානමින් සිටින බව වැඩි දුරටත් වාර්තා වේ.
මෙම එජාප මන්ත්‍රීවරුන් මේ පිළිබඳව ඒකාබද්ධ විපක්ෂය සමග දැනටමත් සාකච්ජා ආරම්භ කර ඇති බවද එම පක්ෂයේ ජ්‍යෙෂ්ඨයෙකු පැවසීය. ඉදිරි සතිය තුළ මේ පිළිබඳ තවත් තීරණාත්මක සාකච්ජා වටයක්ද පැවැත්වීමට නියමිත බව වාර්තා වේ. මෙම මන්ත්‍රීවරුන්, අයවැයට විරුද්ධව ජන්දය දී, පාර්ලිමේන්තුවේ විපක්ෂයේ අසුන් ගැනීමටද සූදානමක් ඇතැයි විශ්වාසදායක ආරංචිමාර්ග වාර්තා කර සිටී.