තලවකැලේ, ආගරපතන ඇල්බියන් වත්තේ “තෝන්ෆීල්ඩ්” කොටස සම්පුර්ණයෙන්ම හුදකලා කොට සංචරණ සීමා පැනවීමට අද (09)දින සිට පියවරගත් බව සෞඛ්‍ය අංශ නිලධාරීහු පවසති.
ඊයේ (08)දින හමුව ඇති කොවිඩ් වෛරසය ආසාදිත පුද්ගලයා තෝන්ෆීල්ඩ් වතු කොටසේ විශාල ප්‍රදේශයක් පුරා සැරිසැරීමත් එම වතු කොටසේ මංගල උත්සවයකට සහභාගිවීම හා තවත් පුද්ගලයන් විශාල පිරිසක් සමඟ සමීපව ඇසුරු කොට ඇති බවට ලද තොරතුරු අනුව සෞඛ්‍ය අංශ විසින් මෙම තීරණයට එළඹ තිබේ.
දැනට එම වතු කොටසේ පුද්ගලයන් 150 ක පමණ පිරිසක් ස්වයං නිරෝධායනයට ලක් කර සිටින අතර එම පිරිසගේ පී. සී. ආර්. පරීක්ෂණ ඉදිරියේදී සිදුකිරීමට නියමිත බව වාර්තා වේ.