Colombo Today Local News

බ්‍රිතාන්‍යයේ සිටි තවත් ශ්‍රී ලාංකිකයෙක් මරුට

කොරෝනා වයිරසය ආසාදනය වීමෙන්  බ්‍රිතාන්‍යයේ පදිංචිව සිටි තවත් ශ්‍රී ලාංකිකයෙකු ජීවිතක්ෂයට පත්ව ඇතැයි එරට තානාපති ආරංචි මාර්ග සඳහන් කර සිටී.

මෙලෙස ජීවිතක්ෂයට පත්ව ඇත්තේ ලලිත් චුල්ලසුමන පෙරේරා නැමැති 73 හැවිරිදි එක්දරු පියෙකි.

ලලිත් චුල්ලසුමන පෙරේරා මහතා එම වයිරසය ආසාදනය වීම හේතුවෙන් ලන්ඩන් නුවර  චෙයාරින් ක්‍රොස් රෝහලේ ප්‍රතිකාර ලබමින් සිටියදී ඇතිවූ සංකුලතා නිසා ඊයේ (07) අභාවප්‍රාප්ත වී ඇත.

කලක පටන් එරට පදිංචි වී සිටි ඒ මහතා සිය බිරිඳ සමඟ එරට අවන්හලක්  පවත්වා ගෙන ගිය අතරම ව්‍යාපාරිකයෙකු ලෙස කටයුතු කළ අයෙක් යැයිද එරට තානාපති ආරංචි මාර්ග කියා සිටී.

පෙරේරා මහතා කොළඹ ආනන්ද විද්‍යාලයේ සහ ඉසිපතන විද්‍යාලටේ ආදි ශිෂ්‍යයකු වන අතර එම විද්‍යාල වල බ්‍රිතාන්‍ය ආදි ශිෂ්‍ය සංගම් ශාඛාවල ක්‍රියාකාරී සාමාජිකයෙකු ලෙසින් හා ලන්ඩන් බෞද්ධ විහාරයේ ප්‍රධාන දායකයෙකු ලෙසින් කටයුතු කර සමාජ සේවයෙකුද වේ.

මෙම මරණයත් සමඟ මේ වන විට බ්‍රිතාන්‍යයේ වෙසෙන ලාංකිකයින් සිව් දෙනෙකුම ජීවිතක්ෂයට පත්ව ඇති අතර ලක්ෂේන් විජේරත්න , හෙන්රි ජයවර්ධන සහ අනුර ගාල්ලගේ මීට පෙර කොරෝනා වයිරසය ආසාදනය වී එරටදී  මරුමුවට පත්වූහ.

මීට අමතරව ප්‍රංශයේ වෙසෙන ශ්‍රී ලාංකික තරුණයින් දෙදෙනෙකුද කොරෝනා වයිරසය ආසාදනය වීමෙන් ජීවිතක්ෂයට පත්ව ඇති අතර ඔවුන් වයස අවුරුදු 32 ක් සහ 43 හැවිරිදි වියේ පසුවූ යාපනය පදිංචිව සිට එරටට පැමිණි අය බවද තානාපති ආරංචි මාර්ග සඳහන් කර සිටී

Related posts

ඩොලර්වලට යටවෙච්චි අයට බැරිද ඕන දෙයක් කියන්න.. ශිරන්ති නෙවෙයි ඊළගට ගන්නෙ මම – මහින්ද පුරවැසි බලයට පිළිතුරු දෙයි

colombotoday

අන්තර්කාලීන ආණ්ඩුවක් පිහිටුවීමට ජනපති එකඟ වෙයි – ත්‍රෛනිකායික මහානාහිමිවරුන්ට ලිපියක්

colombotoday

“ශ්‍රී ලංකන් යානා හතරක් විකුණනවා.. එකක් දැනටමත් විකුණලා ඉවරයි” – නියෝජ්‍ය ඇමති එරාන්

colombotoday

ඔක්කොම දෙන්නම් කියද්දීත් පෙළපාලි ආවේ පෙරටුගාමීන් වෙනුවෙන් කොක්කක් ඇදගන්න

colombotoday

තැපෑලෙන් ආ කෝටි 13කට අධික දකුණු ආසියාවේ විශාලතම මත් පෙති තොගය ශ්‍රී ලංකා රේගු භාරයට

colombotoday

22 ප්‍රතිඵල දෙන්න වෙන්නේ නෑ

Admin