මහ බැංකු බැඳුම්කර වංචාව සම්බන්ධයෙන් අත්අඩංගුවට ගෙන සිටින පර්පෙචුවල් ට්‍රෙෂරීස් සමාගමේ හිමිකරු අර්ජුන් ඇලෝෂියස් මහතා සහ එහි ප්‍රධාන විධායක නිලධාරී කසුන් පලිසේන මහතා තවදුරටත් රක්ෂිත බන්ධනාගාර ගත කිරීමට කොටුව මහේස්ත්‍රාත් අධිකරණය අද (08) නියෝග කර තිබේ.
එම නඩුව යළි ලබන 21 වන දින යළි කැඳවීමට නියමිතය.
මෙහි ප්‍රධාන සැකකරුවා වන මහ බැංකුවේ හිටපු අධිපති අර්ජුන් මහේන්ද්‍රන් මහතා අධිකරණය මගහැර විදේශගතව සිටින අතර ඔහුව අත්අඩංගුවට ගැනීම සඳහා මේ වනවිට ජාත්‍යන්තර වරෙන්තුවක්ද නිකුත් කර තිබේ.