බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන් අද අස්ගිරි පාර්ශවයේ මහා නායක අති පූජ්‍ය වරකාගොඩ ඥානරතන මහා නාහිමියන් බැහැ දකිනු ලැබුවා.
ඒ අස්ගිරි මහා විහාරයේදීයි. ජාතිවාදය අවුලවන ප්‍රකාශ සිදු කළේ යැයි චෝදනා කරමින් පක්ෂ විපක්ෂ මුස්ලිම් දේශපාලකයන් එක්වී ඥාණසාර හිමියන් අත්අඩංගුවට ගන්නා ලෙස රජයට දැඩි ලෙස බලපෑම් කළ අතර, ඒ අනුව උන්වහන්සේ අත්අඩංගුවට ගැනීම සදහා විශේෂ පොලිස් කණ්ඩායම් හතරක් යොදවා තිබුණා.
ඥාණසාර හිමියන්ගේ මතවාදය තමන් අනුමත කරන බවත්, සම්බුද්ධ ශාසනයත්, ජාතියත් මුහුණ දී සිටින අර්බුද සම්බන්ධයෙන් කරුණු අටක් සම්බන්ධයෙන් රජයට අනුශාසනා කරමින් අස්ගිරි මහා නාහිමියන් විසින් විශේෂ නිවේදනයක් නිකුත් කර තිබුණේ ඒ අතරයි.
කෙසේ වෙතත් ඊයේ දිනයේදී අධිකරණයට භාර වීමෙන් පසුව ඥාණසාර හිමියන් ඇප මත නිදහස් කිරීමට අධිකරණය තීන්දු කරනු ලැබුවා.
මහනාහිමියන් බැහැ දැකීම සදහා සිංහල රාවය ජාතික සංවිධානයේ මහ ලේකම් පූජ්‍ය මාගලකන්දේ සුදත්ත හිමි, සිංහලේ අපි සංවිධානයේ සභාපති පූජ්‍ය ජඹුරේවල චන්දරතන හිමි ඇතුළු භික්ෂූන් වහන්සේ සහ ගිහි නියෝජිතයන් පිරිසක් සහභාගී වි සිටියා.