මුදල් අමාත්‍ය රවී කරුණානායක විසින් ප්‍රධාන පෙළේ ආගමික නායකයන් ගණනාවකට නවීනතම සුඛෝපභෝගී වොල්වෝ වර්ගයේ මෝටර් රථ පරිත්‍යාග කර ඇතැයි වාර්තා වනවා.
සිය අමාත්‍ය ධුරය අහිමිවීමේ අවදානම් තත්ත්වයක මුහුණ දී සිටින මුදල් අමාත්‍යවරයා එකක් රුපියල් ලක්ෂ 350ක වටිනාකමකින් යුතු මෝටර් රථ පහක් මෙසේ පරිත්‍යාග කර ඇති බවද පැවසේ.
තවත් ජේෂ්ඨ ඇමතිවරයකු සමග මහනුවර ඇතුළු ප්‍රදේශ ගණනාවකට ගොස් අමාත්‍යවරයා මෙම තෑගි පිරිනමා ඇති අතර මල්වතු මහා නාහිමියන්ට ලබා දුන් වාහනය උන්වහන්සේ විසින් ප්‍රතික්ෂේප කර ඇති බවද වාර්තා වේ.
තම ඇමති තනතුර රැකගැනීම හා ආයෝජන ව්‍යාපෘතියකට ආගමික නායකයන්ගේ සහය ලබා ගැනීමේ අරමුණින් මෙම කාර් තෑග්ග ලබා දී ඇති අතර මේ සදහා බරපැන දරා ඇත්තේ මහබැංකු බැදුම්කර වංචාවේ චූදිතයා වූ සමාගමක ප්‍රධානියෙකු විසින් යැයිද පැවසේ