2016 අගෝස්තු මස 22 වනදායින් අවසන් වීමට නියමිත වත්මන් යුද හමුදාපති ලුතිනන් ජෙනරාල් ක්‍රිෂාන්ත ද සිල්වාගේ සේවා ධුර කාලය 2016 දෙසැම්බර් මස දක්වා දීර්ඝ කිරීමට ජනාධිපතිවරයා තීරණය කර ඇති බවට වාර්තා වේ.
අගමැතිවරයාගේ පාර්ශවයෙන් කළ ඉල්ලීමකට එකග වෙමින් ජනපතිවරයා විසින් මෙම තීරණය ගෙන ඇති බවයි පැවසෙන්නේ.
මේ අතර වත්මන් යුද හමුදාපති ක්‍රිෂාන්ත ද සිල්වාට සේවා දිගුවක් ලබා දීමට එරෙහිව යුද හමුදාව තුළම දැඩි විරෝධයක් ඇතිව තිබෙන බවද එම පිරිස ඒ බව ජනාධිපතිවරයා, අගමැතිවරයා සහ ෆීල්ඩ් මාර්ෂල්වරයා ලිපියක් මගින් දැනුවත් කර ඇති බවටද වාර්තා වේ.
ක්‍රිෂාන්ත ද සිල්වා මහතා යුද හමුදාපති ධුරයේ බලතල අයුතු ලෙස යොදා ගනිමින් හමුදා විනය නොතකා කටයුතු කිරීම, නිතීයට අනුව ක‍්‍රියා කළ දක්ෂ නිලධාරීන් විශ‍්‍රාම ගැන්වීම ඇතුළුව චෝදනා රැසක් එම ලිපියේ අන්තර්ගතව තිබේ.